#السبت_المقدس
الحلقة 44 وقيلة ... قصة ( واقعية ) ...
قد تجري العقول بما لا تشتهي القلوب ، و قد تدفعنا الحياة الى إتخاذ قرارات حاسمة و واقعية تخالف عاطفتنا و أحاسيسنا ...الامر صعب و قاصح جدا ، لكن لا حل الا ان تختار بين و بين ، هي هاكا الحياة ما يمكنش تتوقع اش مخبيا لك...كتجيبك حتى مفترق طرق كتقول لك انا ماشي شغلي ...أن تحيا أن تختار ...!!
كان حبا جارفا و قصة عشق سال حولها ماشي المداد بل ..كلام ناس و لهدرة كلشي تباعكم ..واوووو شتي على كوبل ..واووووو كيحمقو...واووووو ما نكونوا حنا ان شاء الله...واووووو سافروا هنا ...واووووو مشاو هنا جاو هنا ...سعدتها كيموت عليها معشيها الحياة سعيدة ....العرب الى تبعوك مشتي في ●●●...وخا أنا حداثي و لا أؤمن بهذا شي لكن صدقوني يوقعوا معاكم شي مواقف غادي تصدقوا بزز منكم انه لا حضاوك و تبعوك غير على ابتسامة و عايش حياتك بيس خارج لابس مسافر منفتح متصالح مع ذاتك ..برب حتى تجيك دقة من حيث لا تعلم ...
مرة سنتين كأحلى ما يكون ، من بعد بدا تغير رديكالي في علاقة و حل توثر مكان الهدوء ..و الشدة مكان اللين ..و نفور مكان تقارب ...هي ولات فحال بوليسي في دار فين غادي فين جاي مع من كنت شحال في ساعة ..علاش وكيفاش ..اصبحت أنثى لا تحتمل ...هو صبره نفذ عوض ما يخدها في الحضن ولا كيردخ لباب و يخرج ...حرب باردة في دار ..كل واحد باغي يبين راه هو لي مسيطر و هو لي شاد زمام الامور ...على ابسط و اتفه شي كينوض صداع ..طبعا مجرد ما كيبدا كتفتح ملفات قديمة هههههه عقلتي ديك لمرة ...واش كتصحبني نسيت لك نهار ...كل واحد كيكلاشي في الاخر و كيصيد الهفوات في مياه العكرة ...
نقلب كل شيء رأس على عقب داك نموذج زوين ديال كوبل moderne السعيد المتحرر لي عندهم نمط عيش خارج منظومة و سياق فجأة إنقرض ...اصبحوا فحال اي كوبل غارق كريدي شاري بارطما في ضحى و دافع في داسيا ...واخدين صالون بي 3 مليون حاطينو ديكور ريثما يجو ضياف شي مرة يدشنوه ....اصبح الحديث الرائج هو درانا داركم ..ختك فعلت شافت فيا بنص عين...حتى انت ديك لمرة مك سلمت عليها ما ردتش سلام....علاش داركم ما جاوش عندي أمي مني فتحات ...... حياة بئيسة كئيبة ...
لكن الشيء الوحيد لي باقي زوين هو ان مشاكلكم كتبقى حبيسة بيتكم ...ما كدخلوش لعائلة و إلا كنت تقودها أكثر فأكثر هذا هو الامر الوحيد لي مازال كيشفع ليكم تحث سقف واحد ...الشهور تمر بسرعة لا شيء تغير بالعكس الهوة كتزيد تكبر بينك بينها انت اناني كتبان لك هي سبب ...وهي مستبدة كيبان ليها راه انت سبب ..بين أنانيتك و استبدادها و تابعة عريبان ..ضاع بزاف من علاقتكم...
أغلب كوبل مغاربة بعد اربع سنوات ارتباط ...كيدخلهم ملل و الهم و الغم ...و العلاقة كتفقد حلاوتها و متعتها ...حتى الحلوة كتولي باسلة كيقول لك اللحم تخوا ههههههه...و ديك الممارسة ديال الحب في صورة الجنس تصبح من باب الواجب فقط ماشي من باب الحب و الرغبة و الشهوة ....كتنعس معها فقط من باب الواجب و الصواب باش ما تشكش فيك كتعرف وحدة اخرى ...و هي كتنعس معاك فقط حيث حقك و شرع الله باش ما تمشيش تقلب في زنقة ...اش من علاقة هذه.. هذا راه بيع شرا في jumia ...
باش نكون واضحين من كتكون حياتكم الجنسية في مرحلة إحتضار كتبقى غير واجب عليك ....من الاحسن شوفو طبيب او ريحو أ طابل و ناقشوا موضوع اش واقع ليكم في حياتكم ...حيث من كتولي حياة بيناتكم هاكا ...يجب تدخل في اقرب وقت و الا توصلوا مراحل مقودة من بينها لكذب و لخيانة ...زويد و زيد ...
جميع الحلول إستنفدتوها ...لا صداع نفع لا نقاش نفع ..لا تغير الاجواء نفع ....لا سياسة الهروب للامام نفعت.....الخلل أكبر مما كنت كتوقعوا ...ما يمكنش تستمروا هاكا ...ما يمكنش تولدوا في هذا ظروف ...عرضت ليها لعشاء في مكان هادئ فتحت نقاش بكل عقلانية و موضوعية بعيدا على تعصب و الذاتية ....خيط الحب و المودة بيناتكم تقطع...داك الخيط رفيع جدا ..الى تقطع مستحيل ترجعوه ...كيف ما الله شرع زواج شرع الطلاق ...بكل هدوء قررت انت وياها طلاق بلا ما توصلوا انك تجرحها و تجرحك او تخونها او تخونك ...بغتو تخرجوا بأخف الاضرار ....فعلا وصلتوا للحل الاخير طلاق مؤسف وي صعيب وي ...لكن أرحم و أكرم ليكم من داك الجحيم لي كنت كتعيشوا تحث سقف واحد ....كل واحد ينافق الاخر ان راه علاقتنا على ما يرام هي راه من سيء للاسوء ....
الطلاق فحال الموت الرحيم ...شر و لا بد منه ...وخا المجتمع دين مو متخلف يعتبر طلاق كارثة و عيب و حشومة ...ومأساة و دمار و خراب بيوت ...خصوصا من جانب لبنت مطلقة كيعتبروها ارتكبت معصية عظمى كان خاصها تصبر و تسكت تعيش في الويل و الذل على أنها تختار طلق ....و لأن المجتمع ذكوري ديما طلاق كيكون براءة لرجل ...إدانة مدى الحياة للبنت...اللهم الى كانت شي بنت لالة و مالي كدردك ليا على بشرية و كتلقى عائلتها معاها فخورين بها كيعونوها تجاوز مرحلة ....بعيدا على داك خطاب البكائي البائس ديال مطلقة مسكينة ما عندها زهر ....كتنطلق البنت من جديد بقوة و تحدي أكبر كتعيش حياتها طول وعرض ...من كتكون بنت ناس قلبها بيض و مربية في دار كبيرة كيعوضها الله بما أحسن ...كتكمل حياتها بيس اند لوف ...
ديك لهدرة ديال ما الحب الا للحبيب الاول ...و العلاقة الاولى كتبقى مأثرة ...هدرة ديال المرضى و الضعفاء و البكايين و البكايات ....القلب ما حدو كينبض بالحياة فهو قادر يحب مرة و جوج و ثلاثة ....كيبقى غير انت خاصك دير كاستينغ مناسب باش ما تندمش من بعد ...حتى كاع ندمت اش يوقع كاع تموت ...حتى حد ما كيموت الا يإذن الله اما العبد يمشي يقود ....الحياة بسيطة جدا ولادة حياة و موت بين هذا ثلاثة مراحل كاين نجاح و اخفاق ...لكن أجمل شيء ممكن دير بين هذا مراحل بثلاثة هو أنك الحب الحب الحب ....
كوبل طلقوا ...لكن بقاو أصدقاء ...ما نساش معها لحظات زوينة ..هي كذلك مفكراه بالخير ...كيسول فيها كتسول فيه ...مرة مرة كيعرض عليها او تعرض عليه ...عيد ميلاد ما كينسهاش و حتى هي نفس الامر ...ديما كيقول ليها الى خاصك شي حاجة ما تردديش تقولها...ما كتبش الله فشلنا نكون أزواج ناجحين ....علاش نكون فاشلين حتى انسانيا ...نختموها بالحقد و البغض و الكره و الجد و البو و طاسيلة و المعيور و السبان نولو عديان و اغراب .....علاش المغاربة الطلاق عندهم حرب و قتال ...!!
حلقة ليوم حطها قدامك يا أخي و يا أختي....اي حد فينا ممكن جدا يعيشها.....الى قدر الله و عشتها ....نتمنى ديرو فحال هذا كوبل ....تكون عندكم شجاعة ....اما انكم تقرروا تعيشوا حياة البؤس و الغبن و الحزن و اليأس غير خوفا من طلاق نظرة مجتمع . ..نقول ليكم فاكيو بجوجكم ..يا تريكة مرقة اللفت اللحم راس في الكوكوط....
ما كينش هذا شي نوض عيط لساطة ديرو شي برنامج مزيان ...يا ريث يكون برنامج داخلي احسن من خارجي كايم شتاء و لبرد ما عندكش طوموبيل غادي تكرفسوا ....وخا راه عارف الشباب عندهم أزمة البرتوش على المستوى الوطني...و نطالب الملك يلقى لشباب حل للازمة ....ان شباب يحتضر يا و هيا سيدنا و هيا الملك .....و شكرا ...
14 التعليقات: