هل صورة الجميلة لولد الدرب انقرضت ؟ - شن طن

3:02 م tarikbenhrif 0 تعليقات

با علال غامر بصحته وسمعته وألقى بنفسه في القوادس حتى يجنب الدرب الفقير الغرق المحتوم ؛ ليمنحنا درسا مجانيا في روح المبادرة والتضحية من أجل الاخرين ؛ وعدم الاتكالية والتعويل على الاخر ؛ فغالبا عندما يتعلق الامر بأخد المبادرة الشعب المغربي كيضرب الطم ويسكت تفعيلا للانانية الهدامة وتفوتني غير أنا تجي فاش ما بغات ...ودير راسك وسط روس حتى ولو كانوا دوك روس على خطأ .

با علال شكرا وألف شكر ...والله الا حشمتنا وبينتنا أنانيين وجبناء ..وبينتي المسؤولين شفارة واستغلالين ...بينتي الفايسبوكيين شحال تافهين وباسلين ؛ با علال دغية بغاو يرجعوه ميخي ومحط سخرية وفكاهة وأضحوكة الفايس ويخرجوا عليه الاغاني والصور المفبركة كما فعلوا مع تلميذة البريئة عاشقة الارانب ؛ عوض الشكر والاعتراف بقيمة فعلك البطولي وتقديره وترويج له بفخر واعتزاز وضرب للمسؤولين ودعوة للمحاسبة ...

با علال أحيى وحد شخصية إنقرضت شخصية ديال ولاد درب لي كيغيروا على الدرب ؛ وعلى مصلحة الدرب والشرف ديال الدرب..ولاد الدرب لي كيتعونوا مع بنات درب وولاد الدرب في دراسة تخراج التمارين ...ولاد درب لي كيوقفوا مع اهل الميت ...ولاد درب لي كيفرحوا ويوقفوا مع اهل العريس او العروسة ..ولاد درب لي كيديرو صينية باش يجمعوا داك شي لي قسم الله لناس لي ما معيدينش باش كلش كون معيد في الدرب ..ولاد درب لي يتسخروا يدو الخبز للفران ..ولاد درب لي كيدخل بخيط بيض عند وقوع خصام ..ولاد درب لي الى حصل شي حد كيشفر او كيتبسل على بنت درب كيعطوه قتلة كلب ...

با علال ...رجل في زمن قل فيه رجال ..لو كتب أن فعل فعله في دولة تحترم الوطن والمواطنة ..لا كرم أيما تكريم وروج له كنموذج للمواطن الحقيقي...