السبت المقدس الحلقة 8
الحلقة وقيلة 8
صبيحة السبت لي متفيقش فيها تلقى راسك ناعس في فوتاي في صالون..كتجمع فراشك..كيف ديما كثر من أسبوع أنت مخاصم مع حبيبة لعمر..أنت هاجرها هي هجراك ..هزتي فراش وليتي تنعس في صالون خلتي ليها البيت المقدس اول مرة توقع من نهار ارتبطوا اسبوع لا كلام لا سلام....
كتقرر صبيحة سبت توضع حد ..لهذا لفيلم ....كتنوض بكري كتحل شراجم...كاملين يا سلام على هواء و شميشة داخلة ...كتخدم ستروماي " فورميدابل " ...كدخل كوزينة ..كدير فطور ملكي ديال ملكي ..كتبدع فيه ..اش من عصير بالفواكه الجافة اش من كريب بالحامض و نوتيلا ..اش من بيض ديال سمان و الحجل ....كتقلب على شي وردة والو...حيث انت حمق ..كتهز قبطة ربيع و لقزبر كتحطها مهم ياك نبات تا هو...
كتوصل باب كدق..عرفها ما غتوجبكش...كتحل باب ..كتحط بلاطو فوق طويبلة ..كتحل شراجم بيت...هي دايرة راسها ناعسة ...شعر مخبل ما جرت كيف نعمل....لابسة داك شوميز لي شرتي ليها اخر مرة...مهم كاع ظروف مواتية لأن يكون أقود صبيحة سبت عرفتها لبشرية...
كتجلس حداها...كتشوف فيها .. ديك شوفة ديال حبيبي انت و روحي انت ما فيش قبلك و لا بعدك انت...كتبوسها في ظهرها و عنقها...كتشم شعرها ديك ريحة ديال كادوم بالبيض حيث هو لي كيوافق شعرها...كدور عندك اسبوع ما شتي في عينيها في خريطة ملامحها...ديك دور لي كدور عندك...دموع في عينيها ...صافي أنت كتريب كتبقى فيك لاكارط ناسيونال...
كتعنقها بجهد ..هي كتبكي..كتبغي دوي..كتحط ليها صبعك الغارق في عطر طوم فورد ( بلاك اوركيد ) على شفيفها...كتقول ليه أوووووش..ليوم يوم جديد ..فحال يا الله تزوجنا ندخل بيك ليوم...كتبوسها ديك بوسة ديال قولي أحبك...أكيد حب مقود لا يقاوم علاش نضيعوه في عتاب لوم شكون لي غالط شكون لي خاصوا يعتاذر من الاخر...كتمارسوا الحب المقدس ...
سرير كتوصل حرارة ديالو ..360 درجة طيب عليه لاطة ديال حوت ...جميع انواع واصناف لحب ديال المسلمين و النصارى و اليهود والهندوس و الماجوس...كتمارسوه بعنف جنون لهفة ...راه اسبوع ديال هجران داز فحال قرن من زمن ...
كتسالو كتبقى ناعسة في حضنك...كتقول ليها وحق رب لا أنا و أنت شي حاجة خارقة للعادة...انا من غوت عليك قلت غادي تهز حويجك تمشي تغضبي عند داركم....ساعة من جيت لقيتك في دار عرفت أني اختاريت المرأة لي كنبغي ..
كتجوبك هي عمرك تخيل انني ندرها مشاكلنا نحلوهم بيناتنا في دارنا ..الله يجعلنا نتشايرو بطباسل في كوزينة ونقطعوا كلام و فراش شهر ...انا و انت و الله تعالى...لكن قدام ناس وعائلة حنا اسعد كوبل في عالم ...
كتهزها بين يديك كتحطها فوق كرسي ..باش تفطرو..كتلقى شوميز دو نوي من حيدتيه لحتيه وراك جا على كيسان عصير و لقهوة قلب كلشي ...فطور مشا و زربية عمرت...كتشوفها كتشوف فك...كتقول لك يا الله نضربو طون حرور عند با الحسن ...نتفكروا ايام دراسة ...ويلي ابا على طون لحرور و لحب...
ما كانش هذا شي في صبيحة سبت...عيط لدراري ...دوز عند شي صحبكم زمان ما شفتوه او مخاصمين معاه صيلوا معاه رحم ...سيرو تغداو كاملين...في شي قنت شعبي ...في دسير دوزو على شي كروسة لهندي ... ضربوا 10 لواحد تسناو اش يوقع.. وشكرا..
0 التعليقات: