الشعب مكتوب عليه سردين ليوم الدين - شن طن

5:21 م tarikbenhrif 0 تعليقات

واش ما كتحشمش ..بلادنا تطل على واجهتين بحريتين ولها شريط ساحلي يمتد على طول اكثر من 3500 كلم ، والشعب من نهار عقلنا وهو كيضرب في السردين ...ها هو مشوي ها هو مقلي ..ها كواري ..ها هو مرقة ..ها هو مرقد ..ها هو ...

في المقابل الاطنان من الاسماك تصدر لانحاء العالم ؛ والشعب مكتوب عليه سردين ليوم الدين ..ما كلينا حوتنا لي أنعم الله به علينا ..ما شفنا فلوس الحوت لي كيتباع ..ما شفنا مشاريع دارت واستفدنا منها من اموال ثروة البحرية..

أسي اخنوش ديك الهدرة ديال سردين فيه الكالسيوم وبروتينات مزيان لعظام قولها لراسك وطبقة لي فحالك لي طلع ليها الكافيار ولانغوس في راسها ...هدرتك راه غمقوا بيها علينا والدينا سنين ما بقاتش واكلة .. خليك انت وطبقتك ضربوا السردين حنا راه طلع لينا في راسنا...وعطونا حنا الحوت البيض والصدفيات والرخويات...والله يربحكم بالسردين ومشتقاته شرن كبايلة ..وما شابه.