السبت المقدس الحلقة 5

4:06 ص tarikbenhrif 0 تعليقات

كتجرها عندك .. كتبوسها في كف يدها ..كتعنقها...بجهد فحال يا الله و خذا عفو من مؤبد ..لدرجة كتحسو أنكم جسد واحد ...هذا يحسوا بيه غير راسخين في عيييلم الحب والعشق ..أما صحاب شاكي لاكي كلك زبدة ما عرفت منين نبدا وخا يلصقوهم بالكولة ديال سخون ما يحسوا بوالو ...

قبل ما تنوضو دوشوا طبعا كتورك على زر play كتجهد صوت في رائعة ويتني هوستن " l will Always love you"... كدوشو اكثر دوش رومانسي في العالم ..اش من خزامة اش من ورد ..اش من بان دوش ديال باكو ربان ..مع الحب تحث رشاش لماء ميشي فحال لحب في البر ...فرق كبير يا عمري ...شي حاجة فوق طبيعة خيال علمي ديال بصح ...بعيدا عن 10 دريال صابون بلدي و مقراج مدخل بوطة دوش ...يا دوش تخرج سالم يا الله يرحم بالغاز...مهم خلونا في السبت المقدس ..

هي كتسنى ديك لقطة ..واش راك ناسي أو مفكر ...أنت طبعا كتخليها حتى كدخل توجد لفطور ...كتجي تسلت ..من وراها كتسد عينيها بيديك ...كتقول ليها عيد ميلاد سعيد يا أحلى أروع إمرأة في العالم ؛ كتحيد يدك على عنيها كتلقاك جبتي ليها بواط ديال شكلاط ولا في الاحلام ...معاها سبرديلة في غوز ديال لبسة سبت في صباح ...شوميز دو نوي داكشي ملكي بي دو بياس ديالو و البارفان ديالو...ويلي أبا ميزانية مشات...

يا نعل دين شي ميزانية و شي فطور...هي مصدومة ...كتشوف أن عينوها غرغرو ...اكيد تمسح دموعها تبوسها في عينيها...قول ليها سيري لبس شوميز دو نوي داك شي لي معاه دابا انا نوجد لفطور ...هي كتقول لك لا حبيبة حتى ليل ...كتقول ليها لا دابا هي دابا ...انت كتبقى ملاهي مع فطور ...حتى كتعيط لك ..يا رباه ...ما هذا بحق سماء ...دلال جمال أنوثة ..كتغرق أنت وياها في بحر من داكشي .. في ضس يا سادة يا كرام ...باش ما يوقعش ما وقع داك سبت واحد خونا بغى يجرب سبت مقدس فوق طابلة كوزينة صدق طيح هو وياها...هذا لمرة خليك في ضس ...ناس ولات كتأثر بهذا شي لي كنكتب ما قد على ذنوب بشرية..خليكم في الارض...

كتسلو ...عرفت اشنو معنى تمارسو لحب في ضس ..خاصك بزاف بزاف..كتجمعوا نوضة..سوتيامات معرت فينا هما كتقلبوا والو ..كتهز راسك كتلاقاهم معلقين في ترية ههههههه ..كتعودو دوشوا ...كتريحوا تفطروا ...باش تخرجوا تشرو لحولي كتفكرو فراش نعاس كلو بقى عامر نوتيلا ههه دليل قاطع على حبكم مجنون ..كتقول لك رجعوا لوحهم يتصبنوا..

كضرب هي سورفيت سبرديلة حتى أنت كذلك و مثال نفس ماركة و موديل غير لوان لي مختلفة ...كتخرج دور أنت وياها في سواق ...هي في بالها انها ما تخليكش تخلص ...بغات تسهام معاك في اقتسام متاعب الحياة ..موجد فلوس حولي ...علمتك بلا ما نضربوا قدام ناس ...

أنا لي نشري هذا لعام..يا الله كتبغي تقول لا كتبوسك...كتقول لك خلي فلوس حولي ديالك ندرو بيهم حاجة أخرى....ويلي أبا على الحبيبة لي كتهز لهم لحبيبها 
...أما طمعات ولي كيقلبوا لك على الغرق و الميزرية الله يسلط عليهم العقم ابد الابدين ...

ما كينش هذا سبت صباح ...غير عيط على صاحبك ..طلعوا وجد بلاصة فين ديرو لحوالة في سطح...من تسلو هزو جناوة و لمواس و لمقاد ...دوهم عند عبد اللطيف المضاي مضوهم ...دوزو ديرو قهيوة راه ليوم ماتشات مزيانين...من تمو راجعين تقداو خنشة فاخر بالة ديال تبن....