السبت المقدس الحلقة 37

12:15 م tarikbenhrif 0 تعليقات

كتحل لباب لصحابك ، عشرة عمر و سنين ، كدخل لدوش ، اصلا صحابك جزء من عائلتك بابك مفتوح ليهم ، لكن صحاب ديال قلب ماشي مخيات ، رجال ماشي قشور دنجال ، ياما وقفوا معاك في لحظات لمقودة يا ما لقيتهم في جنبك في وقت لي كلشي نصلك بما فيهم ديك ختنا و لي ياما حذروك منها انت ما سمعتيش ليهم ....بلا ما يشوروك دخلوا كوزينا يوجدوا لك لفطور ...كتخرج انت من دوش ...اول ما كيضربوا علك كيطلعوك ياما كنت سكران ياما لبارح واكل لحلوة ياما شي بريكول صحيح فيه لعاقة...حيث حفضينك من ملامحك ...انت معروف من كتكون سكران او واكل لحلوة او مضبر لعاقة كيطيح علك سر ...كضحك ضحكة شريرة ...

واش الخوت الى أين العزم ؛ نفطروا نطلعوا لبحر ...نضرب لحوت و نتبحروا ، حلوة مربوحة لكن بلا دريات بليز خلونا نعيشوا الحياة ...راه كتحضر حواء كيتخربق برنامج ، صحباتكم حتى ما نكونش انا و ضبرو لكركم ، لحياة ماشي هي درية و دري ..حياة راه هي أنت كيفاش باغي تعيش و لا عولت على سعادة تلقاها بين نهدي صحبتك او مرتك صدقني تلقى غير نم ...
 دين مهم مجاعة فاطرين معاودين فاطرين معاك ههههه خلق ليفترس ، كتلبس كتلقاهم وراك كل واحد هاز قرورة عطر كيرش ههههههه عندك ...مهم اي لعبة محطوطة خاص يديرو منها وخا يكون creme lubrifant anal ...هههههههه

كتهبطوا طلع سيارة ، كتشرط انك انت تسوق حيث مول سيارة عصبي متهور بعد مفاوضات صعبة كيف ديما تحث ضعط لكليكا كيعطيك انت تسوق ، مع طلعة كطلعوها عليه ...اش هذا كلنيكس مليوح واش باقي كتكل لحلوة هنا في 2016...تفو طموبيلتك مجنبة الله يحفظ وصافي ...كينقز واحد لور طومبيلتك خاصها رقية ههههههههه....

كتوصلوا لمريسة اراك الاسماك طرية و لزويتر و شواية ...كيف ديما كتشروا كمية كبيرة اللهم يشيط و لا يتخص ....كتغداو كتبحرو ...كيدوز كلشي مت زاز لوز ...ضحك نشاط تدوار سمطة منتهى سعادة و الفرح ...كدوو في لفن في دين سياسة الادب رياضة ....مواضيع مختلفة و وجهات نظر متعارضة ...خرجة ممتعة مفيذة فيها ضحك و لعب و نقاش ....تخيلوا كون كانوا دريات في الخرجة طبعا منتهى الملل .....

الاصدقاء راه نعمة يجب المحافظة عليها خصوصا صديق لي كيلومك و ينصحك و كتحس بيه قلب عليك ، كيقسم معك لحلوة و لمرة ....شحال من واحد لقى لخير في صاحبو ما لقاه في مرتو و خوتو ، شحال من واحد طاح اوبان او مرض كلشي تخلى عليه بما فيهم هديك لي كانت لوف سطوري ياما عيشها سبوتة مقدسة ... ضحى بكلشي على ودها ...معطلتوش فحال ما عمرو كان...

ما كاينش هذا شي نوض سد لفايس خليك من اخبار سياسة و صداع راس الخاوي ، سير خلق شي برنامج مع راسك أو مع صحابك و عيش لحظة ...و ذكر أن سعادة ماشي بضرورة سبت مقدس و تيتيز و أكل الحلويات المغربية و لوف سطوري ....تقدر تكون سعادة مجرد شواية ديال سردين على لبحر ...حر طليق ديال كرك ما كاين لي يقول لك لا فينك و لا مع من انت...و لا إمتى تخطبني ...و لا جيب بوطة و دوز جيبني من عند أمي.....حيد طفي ....