السبت المقدس الحلقة 24

11:34 ص tarikbenhrif 0 تعليقات

#السبت_المقدس
السبت صباح لي ما تفيقش فيه انت ناعس في صالون...حيث مخاصمين دابا اسبوع هجرتيها في فراش .............تقرر تصلحها داك صباح...
تيقتوني نكتب ليكم سبت مقدس اذن وقيلة ما كتعرفونيش ما كنعرفكمش...
أنا راه انسان ..شاب مسلم ...كيفاش ندير ليها نشد قهوة ريح في بالكو...نخدم مزيكا مايكل بولطن ..نجلس نتخيل و نكتب ونبدع و نطلق شعاع ديالي...
في صباح لي فلسطنين دريات دراري شباب في ساحات لقدس مضحيين بحياتهم ...ناس تدافع على ارضها على هويتها ...حريتها و كرامتها...
لا لا لا سمحوا ليا انا ميشي قناة من قنوات العربية ديال هشك بشك...لي كيموت أمير من ريحة شقور ديال اسر الحاكمة عاد كيقطعوا لبث و يديرو القرأن ...في وقت قضاينا الانسانية ما كيتسوقوش ليها زعمة غير تعيشوا مع واقع ...خليهم يموتوا في قدس انت دخل تفرج في سهرة حاج عبد المغيث ....ويلي با على انسانية الاسلام ...
الله ينجيني نكون فحالهم ..تموت فيا إنسانية بهذا طريقة بشعة و الباردة ...ما درتش ما درتش الله غالب ..أضعف الايمان نحترم موقف شعور رابط الاخوة....
يحكى أن شاب من غزة...تلقى مع درية مقدسية في ساحة القدس ...بجوج كانوا هازين لحجر كيقاوموا ...تغرم في شجاعة ونخوة و عزة ديالها ...دازت ايام وخطبها...تزوجوا...ولدوا وليد سموه قدس.....