السبت المقدس الحلقة 29

11:45 ص tarikbenhrif 0 تعليقات

#السبت_المقدس
راطرباج
السبت المقدس ماشي هو بضرورة كوبل ..فقتوا في السبت صباح و مارستوا شعائر الحب ..من قبل و عناق و كلني كما تأكل لكلاص في صهد ...من بعد دوش فس بانيو عامر خزامة و ورد ...عاوتناي شي جوج بنسمة شي جيل دوش مقود في اطار الحب البرمائي ...
السبت المقدس ممكن يكون مع راسك بلا حواء و بلا أدم ..كتهز صكادو كتقرر تخرج و تبحر مع راسك ..تعيش لامور مع راسك ...تهلى في راسك تبوس راسك...دوي مع راسك تسول راسك علاش ديل مي أنا كنعقد الحياة و كنمرض راسي كنضخم الامور ....عيش البشر عيش راه لا ما عشتيش حياة راسك راه ما كينش لي يعيشها لك في بلاصتك...
انت هو سعادة انت هو الحب انت هو الكوبل ...سعادة عمرها ما كانت هي الاخر المطلق ...حيث داك الاخر ممكن يكون يبان لك من برة هو سعادة لكن من لداخل هو الجحيم كيف ما قال لمعقد ديال سارطر .....لا تنتظر تيتتزة و ساطة باش تخلق سعادة في حياتك...و بلا ما تسناي فارس احلام يدخل علك بعود بيض من شرجم اختي سدي شرجم راه كيدخل صراق زيت .....عيشوا سعادة سيرو في طريقكم جا شي حد مرحبا يتقاسم معك طريق سعادة سيرو بجوج موانسين ..ما جاش راه انت غادي في طريقك بيس اند لوف....
عيش الحب مع روحك مع والديك الاخوت...خصوصا مع الاصدقاء و الصحاب راهم نعمة تخيلوا حياة بلا بيهم و ناري مصيبة كارثة...راه ممكن نعيشوا بلا حبيبة بلا حبيب...لكن نعيشوا بلا صديق هذه مستحيل ....و خا يكون غير كتاب أو عصفور أو كلب مربيه أو محبق زارعو ......
خلقوا سعادة.. احبوا انفسكم ...باش تقدروا تحبوا الاخرين ..راه فاقد شيء لا يعطيه ...الا كنت كاره حياتك و راسك ...راه مستحيل تسنى من الاخر يبغيك....فهمتي أو لا لا !!
ما كينش هذا شي ...نوض سول و بارك رمضان لخوك و صديقك و حبييك طارق بنحريف....حتى هو كيقول ليكم مبروك رمضان بالمغفرة و الثواب و كل عام و انتم بألف خير صحة و هناء و رزق و افراح ...احبكم لله في لله..
ملاحظة : #السبت_المقدس نعوضها ليكم بشي تويشية اخرى تتمشى مع خصوصيات شهر الكريم أو نعوضها بأحداث غيرت مجرة التاريخ لي حتى هي كتعجبكم....مهم نخلق ليكم شي هيت جديد في هذا رمضان ...