السبت المقدس الحلقة 46
#السبت_المقدس
الحلقة 46 و قيلة ، حلقة من صميم الواقع...لي باغي الجنس و اروغازم و فونطازم و لافي اون غوز غير بلا ما يعذب راسو و يقرى و شكرا...
لم تكن الساعة تشير لأي الساعة ، اصلا لا قيمة الوقت في حياتك لبارح فحال يوم و ليوم فحال غدا ..ليلك هو نهار نهارك هو ليلك حتى حاجة في حياتك ما عندها معنى ..بعض الأحلام و الطموحات مني ما كتحققش و العلاقات من ما كتصدقش او كنخرجوا منها بأزمات و جروح عميقة تقد ترافقنا مدى الحياة ...خصوصا الى كنت من ناس لي كتأمن بداكشي ديال ما عطتنيش ما عندي زهر..دوك لبكائيات ديال مسلسلات المغربية خصوصا ادوار سعاد صابر ههههههه..راه الى كنت هاكك مشات حياتك عذاب ما تحس بالحلاوة ديال حتى لعبة ...و غادي يغفر لك الله و دخل الجنة و يجيك لملل تبدا تقول في خاطرك وخا كانوا كفار كانوا منشطين لينا الوقت ....
كنت كتبغيها بجججججهد حياتك كتشوفها معها ...ذاتك و روحك كانت معلقة بيها ...جسدك وصل مرحلت الحلول عند المتصوفة حل بجسدها يعني وخا يجيبو لك اكثر ممثلات البورنو اثارة في العالم الشباب يقترحوا اسماء في تعاليق هههههه حيث انا ما بقتش عاقل على سميات ..يكرو ليك فيلا على لبحر و مزيكا و فواكه البحر نادرة و الخمر الغالي ....كل شيء يوحي ان هذو لي في سهرة بالكلب ديال عسة كلشي غادي جهنم ....تريح حدا اجمل ممثلة تبقى تناقش معها كيفاش صناعة البورنو اشنو خطوات واش قراية او موهبة اوفارة و زملة و غادي دير فيها سوليما الخميس مع علي حسن علاش !! ....حيث في قلبك انثى اخرى تختزل نساء الكون فقط هي لي عندها كطالوك الغريزي الطبيعي كرجل ...الحب يا صديقي هو انك كتولي ديجا وفي لراسك قبل ما تولي وفي لانسان اخر ....
حبتها ايام الحزقة و الجامعة و الفقر و الطلوع و الهبوط ...ايام نصاص ديال طون و الحرور ..ايام مصروفك كيمشي غير بو-لي-كوب ..ايام كنت كتكسب جوج سراول جوج تريكوات....تخرجتي خدمتي هي كذلك دافعين لكروسة ...حياة غدا دين مها ببطئ ما كاينش حتى تحسن حتى امل حتى قفزة نوعية ...انت صاليرك كتقسموا مع داركم واقعنا مقود يا الله كتقول تصوفيت تعتقت كتلقى باك كيتسنى مك كتسنى خوك لي كيقرا كيتسنى تكسيه و ضبر عليه ...وختك لمطلقة او مريضة كتسنى... و العيد الكبير جاي....مسيون-ان-بوسيبل تربي الريش في هذا الظروف و نفس الوقت مستحيل تنكر ليهم .....
6 سنوات حب و عشق و هي معاك الله يجعل براكة ضحت و كفحت معاك ، كان ضروري توضعوا حد ...هي ماشي نوع ديال جاوني خطاب اش نقول ليهم دارنا باغين يزوجوني دوك لبلانات البايخة ديال دريات في سنوات 80 لي باقين خدمات بيهم فئة كبيرة دريات في 2017 لي كي شوفوا في زواج هو داك معجزة الحلم... و شاب رجل الساحر المتتظر لي يجبد العصى و يدوزها ليها على ترمتها ثلاثة لمرات ...واحد جوج ثلاثة ابرا كدابرا ....تزوجني فأنقذني فأسعدني...أنقدك يا بنت القحبة كنت غارقة في مغارة فرواطو ...يعععععع على عقليات بقى معانا ....
هي طلبت الفراق ماشي حيث لقات حسن منك او حبت غيرك ...لا ابدا فقط حيث العمر كيجري ما كيتسنا حتى واحد ...و اولويات الرجل ماشي هما أولويات المرأة ..و المجتمع الذكوري المتسلط و المتخلف لا يرحم البنت كلما تقدم بيها العمر و عائلتها ممكن يدوزو عليها العذاب ...اللهم الى كانت كدخل شي صالير صحيح مصفطاهم الحج و كتسافر بيهم ديك ساعة سبحان الله و باها لي السلفي ممكن يولي حداثي و يقول ليها عيش ا بنتي ما جابش لك الله ولد ناس ربي وليد او بنية ههههههههه و زواج راه ماشي معيار نجاح في الحياة ...انت ا بنتي فخور بك قريتي و تعلمتي و خدمتي هزتي ليا راسي قدام ناس تكون مطلقة ببوسط صحيح و لعاقة ما تلقيش كاع مشكل مع داركم بالعكس هما يشجعوك على الطلاق هذا طبعا لا كنت عندك صالير مضخم ..اما لا كنت حازقة او من صحابات سميك هههه و الله تا يزوجك او يحرر عليك عشيتك تكون دايزة علك لقهرة مع شي ولد لقحبة و الله لا هزو لك الهم يقول لك صبري ا بنتي طلاق ما فيه رباح....واقعنا مقود ههههه لفلوس كتحدد حتى طبيعة علاقتنا بأباءنا و امهتنا ..لخدام عنو لعاقة عطينو قيمة من كيدخل كلشي كيتسخر عليه اشنو مشهي ا وليدي لغداء ههههه لي حازق نوض طيب شي جوج بيضات سخفانات هههههه....مع ذلك لا اعمم كاين عائلات ما فيهاش هذا وجهيات و سيادة المادة على حساب العاطفة و الاحساس ....
تفارقتوا بعد سنتين عرفتها تزوجت ...ما لمتهاش ما عيبتيش عليها حيث فعلا استنزفتوا كاع الحلول و صلتوا للباب المسدود ...الفقر مقود ولد القحبة كيريبنا كيهدمنا كإنسان ...تمنتي ليها الخير و التوفيق حياة سعيدة عامرة بداكشي زوين لي كنت متني تعيشوا انت وياها ....انت كملت حياتك solo منتصب لقامة تمشي ..حيدت قلبك وضعتيه في ثلاجة ...ماشي حيث ما بقتش غادي تحب و تحب لا.... الانسان ما حد قلبه ينبض بالحياة راه يحب مرة و جوج و ثلاثة و ربعة...ديك لهدرة ديال حسين الجسمي ما الحب الا للحبيب الاولي يمشي يخشيها في كرو ....ما ماكينش شي حد كيموت حيث الاخر ما بقاش معاه ...و ما كاينش شي حد ضامن انه يعيش سعيد مع طرف لي بغاه فعلا عاش معاه....حيث الحياة فحال داك لبهلوان لي كيلعب بالكورات في الالوان دوك كورات هما حنا.....حنا مجرد لعبة في يد الحياة....
ما كاينش هذا شي ...نوض حل شراجم خلي الهواء و الشمس يدخلوا هاز فراشك يتشمش و راه عيب حنا في 2017 و انت بيتك فيه لغبرة و الوسخ ديال 2016 ..كتسنى مك و ختك يخملوا ليك بيتك ....تسالي دوش لبس لحطة و تبارفنا ليا مع راسك ضرب شي كشكول نخوة على عنقك ...خرج سرح عويناتك و عيش مع راسك ...الى بانت لك شي تيتزة شي طرف لا تتردد تمشي عندها جرب راسك واش كاين في الواقع و لا واعر في الافتراضي و داكشي ديال حبيب دوزي واتساب ...
0 التعليقات: