السبت المقدس الحلقة 11

6:34 ص tarikbenhrif 0 تعليقات

#السبت_المقدس

الحلقة 11

علاقة في بداية ديالها ديك عاميين الاولى ديما كتكون حلوة و شكلاط و لوز و أكاجو ، و حب و مشاعر و أحاسيس و رومانسية..كتمشو كوزينا يد في يد ..دوش يد في يد ..بيت نعاس يد في يد ..تقداو يد في يد ....حتى كابينة ما تكرهوش دخل ليها يد في يد ....ممكن انت سايق يدها على يدك فوق الفيتاس كدوز لك ...ههههه اش من فيتاس داك لي كنقراوه في بيرمي طبعا...

مهم لوف سطوري...كيولي عندكم ايامكم كلها مقدسة....غير كضربوا عاميين كتبدا الامور تغير نحو سلبي و ثقال...و حلاوة السبت كتبدا تمشي ..هنا يا أخي و يا أختي كيكون ملل بدا يدخل علاقتكم..فحال سوسة الى ما عقتوش تلقوه ضرب جدر ديال لحب...أي حب و علاقة دخلها ملل غير قراو عليها لفاتحة خرجوا شي قصرية صدقة لجامع...

هنا يا أخي يا أختي ...خاصكم بجوج أو واحد فيكم ، يكون ذكي و شجاع و يلعب دور منقذ للعلاقة من انهيار ...حيث يولي سبت غا تمارسوه غير حيث واجب و إلتزام...باش ما تشكش فيك كتخونها أو حبك رغبتك ليها نقصات أو ما بقتيش فحل عكس صحيح ...

طبعا الحب للشجعان أما الجبناء يجي ليلة جمعة يطفي ضوء يهز ليزار يجيب بلزير ديالو يعطيك بظهر و ينعس حتى الله يرحم الوالدين ما يقولهاش ..للأسف هذا هو الواقع عند عموم الكوبل في المغرب ؛ صافي الملل ذبح العلاقة من الوريد الى الوريد أراك لصداع مشاكل و نكد هم غم..من طبيعة لحال الخيانة منفذ و حل و بئس الحلول....كتوصلوا شي قوادة مقودة..كتولي حياتكم جحيم صراع حرب...كتنتهي يا إما بطلاق ..يا إما كتصبروا كتبقاو أعداء تحث سقف واحد غير على ود وليدات...

هنا كوبل شجاع و الواعر الواعي الفاهم ، كيفجرو طاقة السرية ديال حب ..كيبدا هو أو هي ...كيتحداو ملل بشي برامج أفكار و بلانات مقودة ..كيبدعوا في كلشي حتى ممارسة لحب كيجددو فيها ....مرة كوزينا و لماعن كيطيحو طبسيل طوس كيتهرس ...مرة دوش ويلي أبا على حب تحث ماء و نعسة في الارض ياك كلنا ليها ...مرة فوق سدادر أو فوتيات صالون لاش شريه أنا باش نتسنى ضيف يجي في عام ...فوق طابلة زيط زيط كتسمع....كتولي علاقتكم مجنونة كلها عشق مغامرات تحدي كتعطي علاقتكم نفس جديد...

كتبداو تمشو مكتبة بجوج ...كتخاطروا شحال من كتاب تقراو هذا شهر...لي قرا كثر من الاخر يخلص ويك اند في شي قنط ...كتمشو سوليما تفرجوا تفكرو أيامكم ياما تبروستو في سوليما حاضيين مع مولات لبيل ...ينعل ديل لي عرف اش من فيلم كان ...

كتهرب بيها لغابة خاوية حضي من حلوف أو شي بحر يا سلام على الحب في طبيعة سول مجرب ...أما لا كنت مقطع لوراق طوموبيل بالحق طلع فرانمان تأكد من زيت موطور و موتسرات واش يتحملوا او لا ....سافروا خرجوا خلقوا جو..باش ما قسم الله ميشي ضروري فلوس بزاف...

بدا تحرش بيها تحرش بيك ...هازة صينية تبعها كوزينة قول ليها كيفاش الزين ما نشوفوكش ....شعرك مخبل مجبرت كيف نعمل...كطوي حويج جي حداها قول ليها كل طوية كطويها قلبي كيتطوا معاها ديري معايا شي حل أو نتكرفس عليك....رجع مراهق معاها درها صحبتك ديرك صحبها....حتى لا كان مشكل حلوه في فراش بضبط من ورا ديك لحظة لي جبتو بلزير انتما في منتهى النشوة و اللذة و الاعصاب مرخية ...ناقشوا مشكل تلقاو حل بهدوء بلا صداع...

من كتوصلوا هذا سطاج ثيق بيا يا أخي و يا أختي ؛ أن ملل عمرو ما يضور بيكم ..علاقتكم تمشي حلوة بزاف بزاف ...مشاكل تقل ...تولي متعة بناتكم...غادي كثروا سبوتة ...تولي تعطيها واحد في صباح قبل فطور.. جوج من ورا لغداء ..واحد قبل عشاء جوج من ورا لعشاء ...و الى لحظتي شي تداعيات عرف راه حب صحيح و راك واخد لمليح ...

راه حلاوة لحياة بين كوبل راه خاصها تكون هاكا ...جنون حماق و قوادة بلوز.. و صبر و تعاون و مودة و رحمة...و أهم شي حافظوا على علاقتكم مع خالقكم كأمن روحي...صلو حسوا حلاوة صلاة انت و حبيبتك....يا نعيش عيشة فل يا نتزوج إحنا الكل...

ما كاينش هذا شي عيط شي صاحبك حطو لحطة ...هبطوا تغداو في شي قنط ديرو قهيوة بيما بدا ماتش بارصا من وراه ماتش رجاء ...حيث الى بقيتي في دار تصدق حاصل مع ضياف ...انت و انا عارف الى تجمعت عائلة مغربية موضوع اساسي هو المرض و مشاكل...دوز ويكاند مقودة...اللهم هرب محد باقي لحال...وشكرا...