السبت المقدس الحلقة 35
#السبت_المقدس
الحلقة 35 وقيلة ...
كانت ساعة تشير الى 10 و 30 دقيقة ، فايقين معطلين ، أنت ناعس على فوتاي و هي ناعسة في البيت ، لا شيء على ما يرام حياتكم و سعادتكم كتموت ببطئ قدامكم ، قريب جدا ترجعوا فحال اي عائلة مغربية مريضة برسطان الملل و الخنقة و القنطة ...و أيام تتشابه فشهور فسنين ...فعمر بأكمله مشى في ضغط و هم و غم امتى راس شهر ، كريديات شحال باقي لعيد ....مأساة المغربية ...
أنت لم تعد ذلك رجل المجنون الذي عشقته ، وهي لم تعد تلك الانثى المجنونة لي عرفتها ، تحولتوا بجوج أي كوبل تقليدي عادي و ممل ..داك كوبل لي كنت كتنتاقدوه كطلعوها عليه ...مشى كلشي حتى سبت مقدس نستوه ، هي كتقول انت السبب و هو كيقول هي السبب ، تا واحد ما كيقول لا راه انا هو السبب ، أنت رجعت منها إمرأة ديال كوزينا و صابون و انت في قهوة مع صحابك من بطولة اسبانية للانجليزية للايطالية لو كانو ناقلين حتى بطولة ديال دولة جزر لقمر تريح تفرجوا مهم ما ترجعش دار و تشوفها تصدع لك راسك ...، وهي رجعتك راجل تقليدي ديال بزطام و جيب و خاص و دارنا و داركم راجل لي كانت كتستقبل بي kiss french كل مساء أول ما كيحل لباب ولات كتستقبلوا مع الحلة مع البوطة سالات بلا ما تبدل يالله و صلني عند ختي داير كسكسو بالكديدة ...
حتى ممارسة الحب ولا غير من باب الواجب باش ما تشكش فيك تقول هذا كيكل لحلوة برة ، حتى هي كتمارس معاك غير حيث شرع الله و حقك ....فين هي متعة فين هو الاشتياق فين هما أيام السبت المقدس من كنت كتبدا لبوسة من صبع صغير ديال رجلها ما كتسليها حتى ديك قنيط صغير لتحث وذنها ...لدرجة أنكم وليتو كطفو الضوء عاد كتمارسو حتى حد ما باغي يشوف في ملامح الثاني حيث ما بغنش تشوفو حقيقة البرود لي وصلتو ليه....كتجيب واحد كدور تنعس هي جابتو ما جابتوش شغلها هداك ...مأساة وصلتو ديك مرحلة ديال لحم تخوى قريبا ما بقيتو تحسوا بوالو كاع ..
الانانية حتى حد ما باغي يهبط كواريه و يعترف ان مخطئ و يفتح الحوار ، كل واحد كيتسنى الاخر يخد لمبادرة ..بجوج بقيتو كتسناو و شهور تمر و شعلة ديال الحب كطفى كتزيد طفى حتى يبقى غير ظلام ....
مريح حاط نوار قاصحة ، كتفكر في حياتكم فين غادين و أش باغين ، واش انت هو أنت واش هي هي ، أسئلة كثيرة كطرحها كترجع فلاش باك قصتكم لوف سطوري ديالكم ، ما يمكنش يكون هذاك شي كلشي مجرد وهم عشناه ، فين كاين خلل اشنو الحل !! ...أيام ديال تفكير و تفكير و تفكير ...قررت توضع حد هذا مأساة ....
خرجت بكري من الخدمة ، على غير العادة ما مشتيش للقهوة مشيت لعندها لخدمة ، قبل ما تمشي دزت شرتي بوكي ديال ورد بلا اسم عطتها سكرتي عفاك هذا لمادام فلان بلا ما تقول ليها شكون ، و وقفتي كتسنى نص ساعة بيما تخرج ، هي وصلها لبوكي ما عرفتش شكون اصلا ما تفكرش فيك انت حيث علاقتكم تحتضر قالت ليه يمكن غلاط شوف واش جاي شي حد أخر ....لا راه ليك أ مادام ...وصلت ساعة لخروج موظفين خارجين أنت واقف كتسنى و هاز لافيتة كبيرة كلشي كيشوف فيك هذا مالو ياك ما شي اشهار ديال إنوي ههههه لافتة مكتوب فيها : أحبتتك و أحبك و سأحبك ..
خرجت هي تصدمت واش تبكي واش ضحك واش تغوت ...واش واش واش ...وي هذا هو راجل لي بغات نهار الاول جنتلمان المجنون و لد الشعب و لكلاس في نفس الوقت..عقلية هاربة كيعيش الحب ....ممكن ما كيعرفش يدوي في الحب لكن بفعل واحد ممكن يخليك أسعد إمرأة في العالم ....مقود بزاف كاريزما ...ناس ما فاهما والو ...رجلها وقيلة كانوا مخاصمين ....مهم نظرات اعجاب ديال ناس واضحة على ملامحهم ما كرهوش يديرو فحالك... لكن...ليس في متناول الجميع ...
كتعنقك كتبوسك ما كتسوق حتى لحد ...دموع و لخنونة داكشي هابط كحل من عينيها ، يا نعل بو ليام ....كتعود تعنقك تقول ليك في وذنك كنموت فيك راني حاملة ...ما بغتش نقولها لك وحنا مخاصمين لا تقول بغت تشدني بالولاد ...فعلا نقدتي علاقتنا في الوقت المناسب ...كتشد ليها في يدها كتكملوا طريق ..كتنسى لافتة محلولة ههههههه ...كتقول لك حبيبة جمع لافتة راه وقفة من حقك لكن باش دير مسيرة خاصك رخصة هههههه...كتكملوا مسيرة الحب ديالكم كتعود الحياة أجمل مما سبق خصوصا مع bebe.....
في لحظة كان كلشي يمشي و يدمر...و في لحظة بفعل بسيط رجعت الروح و الحياة لعلاقتكم...رحمة و مودة و تسامح شي حاجة مطلوبة ...الانانية و الملل عدم الابداع و التجديد سرطان قاتل ...تحدي كل واحد للطرف الاخر كيزيد يعمق الفراغ ...خاص واحد يتنازل و يطلب الحوار نجلسو في عشاء زوين في بلاصة زوينة ..ناقشوا و ندوو نقلبوا على خلل لقاو حل...اهم شي تخلصوا من ذاتية جاي للحوار ما تبقاش تشوف في طرف الاخر هو مذنب انت بريء ...بجوج تخلصوا من الانا ...حيث الى ما تخلصتوش منها كونوا على ياقين تقلبوا طابلة لعشاء يولي مأتم ما توصلوا حتى حاجة ....
ما كاينش هذا شي نوض قول لمك تجبد لك شي جوج ميكات ديال لحم ...بخرهم صايب صلاد و عيط للاصحاب دير ليهم شي وليمة مزيانة ...شرط عليهم دور كل 3 ايام عند واحد ...ما تنساوش ديرو سلفيات صفطهم ليا نشرهم في باج: https://www.facebook.com/selfiemorocco/ ....و شكرا
0 التعليقات: