السبت المقدس الحلقة 30

11:46 ص tarikbenhrif 0 تعليقات

#السبت_المقدس

الحلقة 30 وقيلة ...

الصيف صيف و بغى صريف .. أنا و حبيبتي و لبحر ..في صيف على غير عادة ديما انت لكتفيق الاول كلك أرديانين دوبامين أي لعبة كتسالي بي " مين " أول صيف يجمعكم تحث سقف واحد ...بعدما كنت صيف كدوزوه معذب كديها لبحر و كاري ليها ستة براسولات و مكرهتيش تزيد درع الحامي للصواريخ ...باش ما تشدش فيها شمس و تفرش مع دارهم ..حتى من صندالة من كطلعو من لبحر كتسوسها فحال كدير ليها مسح داكشي شرطة علمية...أودي الحب في المغرب أسطورة سيخلدها تاريخ ...

السماء الزرقاء و شمس مبتسمة ...و لفراخ كتغوت نوضوا عيشوا لافي أ البشر ؛ كيزيد المشهد إثارة من كتخرج من دوش كتبان لك داك الملاك الانساني باقي ناعس و شعر مخبل ملامح بريئة ..كتقرب منها كتبقى تشوف فيها فحال شي bb ..كتقول في خاطرك شوف شحال بريئة ..لي طل عليها لبارح بليل خلال ممارسة عبادة الحب و حق رب تا يرفع ضدها دعوة في اطار زيرو_كريساج ..وي كريساتك كاع عنقك مقمش ظهرك ..مرة جاية ولي حيد ليها ضفار لا تولي محنكاك مخصرة لك جمالك ..المرأة الى طربتها في فراش كان حب و شهوة و جنون تقدر ضربك حتى مزهرية لا كانت حداها..اللهم حيد اي حاجة تقدر تشكل خطر عليك...

كتقرب منها كتبوسها في ظهرها مع بوسة كيهبط جوج نقطات لماء من شعرك باردين كيقفزوها...انت ماشي من عاجزين ولحال سخون دوك جوج نقطات بضبط فوق ظهرها ..دوزت عليهم لسانك ..مع لسانك مع كتقول لك حبيبة براكة من لبسالة خلني ناعسة ، كتهبط حد وذنها كتقول ليها يا تنوضي يا نوض ههههه نوضان فيه و فيه ..كدفعك كتكرشخ بضحك...يالله حبيبة راه حنا مبحرين ليوم ....

كتسبقها لكوزينا توجد وجبات ديال غدا داكشي خفيف ضريف مع عواصير ماء ..شكلاط ما لذة و طاب ..كدوش هي كتلوي عليها فوطة كتلتحق بيك في كوزينا ..تزرب على لفطور ..يا سلام على فطور كيوجد تبادل قبلات و نظرات و كلام لحلو..كدور وجها كتلقاك كاع مخسر من عنقك ..اوووووه bb ديزولي حشمت و تزنكت..هانية حبيبة ناس وخدين مرأة و أنا واخد مشرملة ها علاش زيرو_كريساج ..لكن كريساج في الحب و الفراش لا يعاقب عليه القانون...

فطور طالع كيضحك ..من لقطات مقودين لي كيسول معاك هي فاش كتكون خارجة من دوش لاوية فوطة و شعرها سارد مخربق ..كتبان لك صوفاج متوحشة كتشهى تشدها من داك شعر ..و لكن كتقول نعل شيطان أ فلان ..حبيبة اش بان لك نديرو واحد تبحيرة أورجنال ..وي اشنو..عرفت داك راجل عساس درب لقديم مسكين لي تشلل عند جوج وليدات صغار و مرتو خدامة مقودة عليهم مساكن معمري شفتهم مخرجين دوك وليدات...حنا غادين غادين ندو معنا دوك بنية و ولد في سبيل الله يفوجوا ...

وي حبيبي واش قلتها ليهم وي علمتهم لبارح ...يالله جمع نخرجوا ...كتغسلوا معان بجوج كطرفوا دار بجوج..كتلبسوا كتخرجوا دوزوا عند دوك ناس تهزو وليدات ..و عفطة وحدة لبحر موسقى مطلوقة بجهد و شطيح ولومبيونس في طوموبيل دغية ندمجوا معاكم وليدات . ..يا سلام على احساس دوك وليدات يطيرو من لفرحة مع اول شوفة لبحر ...مشاو كيجرو على رملة أنت و الحبيبة بقيتو لور كتشوف داك ديكور ...جيست بسيط خلق ثورة من الفرح في قلب جوج وليدات...كتعنقها عندك كتبوسها بوسة مغربية راك في مكان عام تلقى راسك في يوتيب ههههه انت ما كرهتيش تبوسها بوسة ديال راكم عارفين...كتقول ليها من الاشياء لي خلاتني ارتبط بك جانبك الانساني ..كون كانت شي وحدة اخرى تقول ليا لا اش عندنا ما نديرو بصداع راس ...كنموت فيل ديل بوك أ بنت الحاج ..هههه

كيدوز نهار مت زاز ، لعب هي كطير في voly ..و انت مقود في راكيط..عومان بجوج كتعرفوا تقدفوا ليها ..تشمشتو ..ريحتوا صيبتو حوتة كبيرة في رملة مع دوك جوج وليدات خلقت معاهم سعادة ديال بصح ..عمتو معاهم ....كطلعوا لبنية مشللة مقادة باش تلبسوها كتهبطوا لوليد كتلقاو البنية عمرت رملة هههههه...لحماق هذا ..و لكن تجربة رائعة كيفاش تعيشوا من تولدو ...
 دازت تبحيرة رائعة ..كترجعوا امانة لأهلها هما كلهم فرحة و نشاط..كطلعوا لدار ..لموت لعية و حنيكات حمرين..كدوشوا بجوج بكثرة لعيا داز دوش بسلام ..هههه كتخرجوا ديرو شي فيلم ...بلا ما تحسوا كتخطفكم غميضة ...كضربك لفيقة كتلقاها كاو كتهزها لفراشها..كترجع تكمل لفيلم ..وخا انت في الاصل عايش احسن فيلم مع حبيبة العمر لي عطاك الله ..

ما كاينش هذا شي نوض خويا عيط على صحابك صيب حوت كواري سوبيرة زعلوك ههههههه و تشرميلة ..شي قرعة عصير خيزو بليمون و هبطوا لبحر تبحرو..من تهبط تعوم هبط معاك فلوس retour ..راه ولا كريساج حتى في البحر ها علاش #زيرو_كريساج