السبت المقدس الحلقة 43
#السبت_المقدس
الحلقة 43 و قيلة...بعيدا عن القصص الواقعية لي عودتكم عليها مؤخرا...هذا الحلقة كتبتها ليا انا بي MODE ديالي اهداء خاص بيا . ..
الجو لا يساعد على نزهة و الحدث المميز لا يسمح كذلك ، و صوت دبكة لبنانية يصدح في البارطما صغيورة ديالكم ، صغيورة وي لكن محيدقة و مستليا فيها لمسة و ابداع ديالكم بعيدا على صالونات البصمة و السدادر ، نوض أ راس الخصية كتفيق بزز منك موسيقى على جهد .... أنت نوض راس الخصية ...ما الحياة الا لحظات فحال هذه ...كتنوض و البوار-إنرجي في القمة ، ضروري من البوسة ديال الصباح...هذا تقليد عندكم مستحيل تبدا صباحك بلا بوسة ...تيتيز في كوزينا منهمك مع تحضير ديال كيكة و الفطور ....كتوقف عند باب لكوزينا كتأمل دوك أرداف داك لجسد و شعر مخبل ما جبرت كيف نعمل على رأي شاب خالد ....خط تماس الكهربائي عالي التوتر ...الى مشتي حتى قربتي ليها ما غادي تفطر...و كيكة راحت في ●●● محروقة ....كتقرر تنده عليها ما-غين قطعة الفراولة لحلوة ديال أمود ...كدور عندك بإبتسامة كتبوسها عبر الاثير ...تستقبلها على الهواء مباشرة على الخد تجنبا لأي إشتباك بأسلحة لحمية ...
كدخل لدوش ...كتلقى شي تويشية زايدة ...وريقة مكتوب عليها حل لعيبة راه تلقى شاموبوان أبغي شومبوان لي كيعجبك ...تلقى معاهم جيل دوش DOLCE GABBANA راه نفسو ديال بارفان لي هرست لك من كنت كنخمل...دوش بصحة راحتك مون موغ ...من تخرج دخل للبيت تحل بلاصة حوايجك تلقى POLO لامارتينا مونش طويل خديت لك جوج حبيبي عارفاك كيعجبوك و البرد دابا خديتهم لك بالكم باش تولي تلبسهم بوحدهم مع شي لعيبة خفيفة لفوق...بلا ما تسول شحال ...احبك ...
ينعل دين بو لحياة الى ما كنتيش تعيش لحياة مع بنت فحال هاكا ..مقبلة على حياة تعشقك بغى تعيشها معاك طول و عرض ...حتى و هي مزوجة بيك كتعتبرك صحبها ساط ديالها زلال ديالها لي كيحمقها كيخليها ديما تحس انهم مصاحبين في جدع مشترك هههههه....ما على بلهاش صالون و سدادر و طباسل طوس و زرورة ديال بنت خالتي و كيسان اهلا و سهلا....و لا يهمها لا عادات و لا تقاليد ....بنت الخير قمة سعادة ديالها تشوفك فرحان سعيد و مرتاح و لابس مزيان مهلية فيك بجهد.....عكس الاغلبية المغربيات الله يسمح ليهم ما عرفتش علاش كيمرضوا كيعتقدوا من كيكون رجلها مبوغس مهلي في راسو كيلبس مزيان عايش لافي ...ما كيحملوهش ما كيتهناو حتى كيشوفوه مبهدل غادي حداها بسروال ديال توب مهلهل عليه سباط مقمقم مركب ليه مشطيات و كدميات و شوميزة كاروات ... كبيرة عليه من لكول و لكمام فحال الى لبسها بالعلاقة ....اش من رباح عندك يا بنت ●●●●● تشوف راجلك مبهدل ....أنت غدى حداه بأخر ما غنات أمي كلثوم !!
كدوش كتنفذ تعليمات كيف ما قالت كتلبس POLO لامارتينا لي خدات لك ، كترش رشة خفيفة من عطر POLO بنكهة لفانيلا ...كتخرج عندها داكشي ديال لفاشن ، كتوقف كتقول لك دور نشوف ....كتقول لك هممممممممممممممممم نموت فيك انت في منتهى الاناقة ....خديت زين.. خديت زين أ ولد لحاج ....كتقرب منها كتعنقها كتقول ليها شي لعيبة في وذنها ..كتشد يدها كتبوسها ديك بوسة ديال ملكات القرون الوسطى ...حيث بصح ملكة ما يمكن لك الا حتى انت تفرحها و تسعدها و دير ليها تمثال في أكبر ساحة في المدينة ...تتبادلان القبل كعشيقين في احد ممرات الثانوية ...كتحبسك بلاتي بلاتي اجي نخرج من كوزينة واش حنا نبقاو نهرسو ههههه في المعان ....كتخرج لوفتاي لكبير ويلي ابا على اكل الحلوة فوق الفوتاي لا يعرفه الا الراسخون في العلم ...كتشرملها حلالا طيبا ...الجنس و الحب ما كاينش ما حسن منهم علاه اجا و عدنا ربي بيهم في جنة .....راه الحكمة تماك ....الرائع ديما لابسة خفيف ما كديرش دوك سوتيان و قاجة راسها بشي سليب فحال لا مريحة في عكاشة ....كتخلي كلشي على هواء اصلا هي في دار ....عكس المرأة المغربية كتلقاها مغلفة لابسة ماريو كتيغي تعيش معها لحظة خاصك تعيط ادارة الجمارك تحيد معاك الحويج ....مالكم مالكم تريكة بيجامات ديال مبرة نمر ....
كتفطروا.....حبيبة فين هي كيكة ...فطر الله يجعل براكة نوض نتقداو ...كيكة هديك للماتش بارصا و ريال مع العصير ...بلا ما تقول ليا نمشي نتفرج في قهوة تجي خانز بريحة كارو ...نتفرجوا هنا في دار يكون كيكة و لعصير و ما لذ و طاب من كسرات و شكلاطه....يسالي ماتش موجد لك شهيوة كتعجبك ...بغتي تعيطي لصحابك يتفرجوا مرحبا بيهم ....ويلي ابا على المرأة كيفاش مصدر سعادة ماشي مصدر نكد غم و هم ....كتخرجوا تقداو ....كترجعوا تفرجوا في ماتش كتخلقوا اومبيوس مقود ....بين شوطين كتنوض تشطح لك على ديسك وفيق حبيب " حبات توت " ...كطلع لك فوق طبلة انت ماشي من عاجزين كتنوض تعلق ليها ...طبل ليها كاع فوق طابلة ....وكتغني : " زيدي زيدي بدلالك ...و عليا شوفي حالك ...شو مهضومة و جمالك مش عادي...يا قمر حلك حلك تقعد هي محلك ... هي احلى منك ...وطق يا حبات توت لتوتات لي عشفافك ...".....ويلي ابا انا غير كنكتب و حسدتهم...
ما كاينش هذا شي عليك بالقهوة ...تفرج مع خوتك ..صابك الله في ريحة لكارو و صداع و شقيقة ..و حضي لا تجي فيك شي خاوية ....بعد من متعصبين راه كتشبك كروشيات في قهاوي هههههههه ....اما أنا فسأشاهد الكلاسيكو من البيت لوحدي طبعا ...و لأن الحلال تعطل سأنحرف ...
0 التعليقات: