كيف تصبح نجما في بوست واحدة - شن طن
شن طن ..
كيف تصبح نجما في statu واحدة ...
وحد خونا كيكتب ديما في فايس والو مسكين ما عندوش ملكة الكتابة والابداع ...يا الله كيدير راسو جيم وكيمشي يدير جيم من كونط ثاني ديالو زائد واحد جوج جيمات بالخطأ غير عفط ماليهم بلا ما يرد لبال ...هي في المجموع 0 جيم ...مهم ساط تعقد خاص يقلب على حل ...
ناض فكر في فكرة جهنمية لجمع اكبر عدد من جيم ..صور الام ديالو في فراش مريضة ؛ واش مريضة ولا غير ناعسة كتصنط لعظامها ..الله أعلم !! ؛ وكتب أدعوا لأمي بالشفاء فإن الجنة تحث أقدام الامهات...
مهم خونا ولا نجم ودار boom ....فجرها كثر من 50 ألف جيم 10 ألف بارطاج واكثر من 1000 طلب صداقة...عيط ليه مارك مول فايسبوك يدير معاه شراكة ..ما قبلش بغى حتى يدير أباه الميت باش يدعو معاه برحمة..
هذه احداث ليست من نسج الخيال ..و اي تشابه مع الشخصيات في الواقع هو متعمد مع سبق الاصرار...حيث كاينين بصح .
0 التعليقات: