السبت المقدس الحلقة 15
الحلقة 15
صباح السبت السكون التام ...اللهم نبيح كلب و مرة مرة صوت مول نخال ، على غير عادة أنت توأم روحك صبحتوا ناعسين لبارح كان عندكم عمل كبير كملت جزء ثاني من مشروع طاقة حرارية نور لي دشن سيدنا مؤخرا....هههه راه حتى ممارسة الحب طاقة مقودة ....تعادل 10 قراعي لبوطة كبار و 5 صغار...
ساعة منبه تليفون كتصوني ...بأغنية وائل كفوري سألوني سألوني أنا شو تغير فيا ...علاش سألوني حيث هو أول ديسك صفطت لك من دخلكم الغرام جنب...نوستالجيا ديال لامور ، ما كتبغيش تفيقها كتنوض كتسلل فحال شفار مهم فوضى عارمة في البيت واحد كالسون ديالك في بوانية ديال الباب كيفاش معرت دو بياس ديالها شي في الارض سوتيان في ترية ...أوووواه امتى وقع هذا شي ...عرفت ديك صبيحة سبت بعد سهرة حمراء للبارح كتحس براسك مجرم حرب...لكن مجرم حلال طيب...شيطان كيقول لك رجع فين غادي فطر بيها على صباح ...راه ممارسة الحب في صباح تعادل 5 سوايع ديال جري على بحر. كتشوفها هي ناعسة فحال شي حرية بحر لاطاي يا رباه عريانة شعر مطلوق الاغراء كل الاغراء ...وخا مرتك ما تكرهش تغتصبها دوز عليها 5 سنين حبس فداء للحب ..
كتقرر دوش احلى تدويشة في عالم بفرحتك كدوش و كتغني شاب خالد مالها ديك لبيضة مالها مالها .....كتلوي عليك فوطة كتمشي توجد لفطور أكيد تبدع من كل فن طرب بلدي على فرنسوي ..رجل خاصوا يكون مبادر حتى هو يدخل كوزينة يمارس داكشي بحب ...ميشي يدخل كوزينة بنفخة ما حملش راسو ...و طلق لك مزيكا غربية شي bj bj مقطع فونديتا و لا غيطا ....و أنت في غمرت إعداد ...كتحس بخيال واقف عند لباب ...بسم الله الرحمان الرحيم ...كدور كتلقها كتأمل فيك لابسة غير واحد لعيبة شفافة قصيرة ....ها تحرش ...كدور كتبقى تشوف فيها ...و كتقول ليها أشنو زعمة هذا نعتبروا تهديد.....كتجوبك هي مبتسمة إييييه حبيبي أعتبروا تهديد ..وخا بلاتي نطفي على هذا شي لا نصدقوا بلا تهديد بلا فطور و شاعلة لعافية ...تتقدم بخطوات واثقة نحوها ...
من كتكون كتبغي و كتعشق ...راه إحساس لا يقاوم وخا طيحوا في ضس ...اما لا كنت في كوزينا أكيد سربيس دياب قهوة ديال طباسل غير الله يحفظ وصافي ....ويلي أبا على ديك لقطة نيف كيقرب نيف عين ما عين كتحسوا بنفس بعضكم...هديك هي مهلكة لكبيرة...موجات مغناطسية لكتشفت مؤخرا و لي قال لينا عليها انشطاين 100 عام هذه كتحضر ديك لحظة....و ناري من كتقرروا دخلوا في بوسة عميقة و و سوفاج هانية غير يفنى لعالم يطيح نيزك ..سبحان الله طبيعة بشرية كيفاش دايرة ...لعشق و الحب حقيقة ثابتة...ديك بوسة كترفعكم لعالم أخر داكشي خيالي ما يمكنش نوصفوا ...دون سابق إنذار كتقرر تهزها تحطها فوق طابلة ...تلوح كاع داكشي لي فوق طابلة ما كتسمع غير تشخ بشخ تشخ....تأكد أن طابلة واقفة على صح...لا تولي غادين لسبيطار تقلبوا على جبيرة ....ما كتخليش شي جزء من جسمها ما كتوقعش عليه بلسانك كتسقيه بريقك ...هي كثر منك...إنكما تغرقان تغرقان تغرقان...جاب الله موسقى مجهدة...أما كون عيط ليكم جيران على شرطة حذر لمكافحة الارهاب ...
فين كنت فين خليناها ...تجديد في ممارسة ديال الحب كيخلي كوبل مرتاح نفسيا و سعادة ديما حاضرة ...زوجتك حلال صاحبي عيش و خليها تعيش ...مني كتكون صحبتك كتعيشها مغامرة و لوف سطوري غير كتزوجها كدير فيها سي سيد من جمعة جمعة في بيت نعاس داكشي ميكانيك ملل صاحبي ملل راه سرطان مقود كيدمر اي علاقة....بدع شوية أساط و حرك خيال و تمتع و خليها تمتع ....بجوج ناعسين في ضس وصلتو 6 نشوة مقدسة ...وخا في ضس معنقها عندك راسها على سدرك و كتحس بنهديها غير دوك نهدين سر غامض من اسرار لكون ...نسيتو راسكم فحال لا في ناموسية ...حتى كتبرد و تحس بالبرودة طالعة مع ترمتك هههههه...عاد كتنوض تهزها دخلها لدوش ترجع تكمل فطور....نص لخلصة كتمشي في فاكتور ديال ماء هههههههه خصوصا لا كنت كونجي ويلي أبا شحال من دوش في نهار ....خرجتوا لينا على فرشة المائية في البلاد الله يفرحم على دوام ...
كتوجد لفطور كتجي هي لاوية عليها فوطة شعرها سارد....كلشي فيها إغراء الى تبعتها ما تساليش...كتمشي تخطف دوش ..كتجي تريحوا تفطروا ...توحشتو لبعالك والدين بنية و وليد ليوم يرجعوا من مخيم ...صفطوهم باش يعتمدوا على روسهم اول مرة يسافرو بلا بيكم....كتلبسوا تخرجوا كار ديال مخيم يجي مع 12 يكون هنا....كتوصلوا عشرات الاباء الامهات كيتسناو ....حتى أنتما احساس مقود الله يسمح لينا من الوالدين....كار وصل كلشي كيشير على ولادو من زاج ...بطى عليكم غير إمتى يهبطوا....فعلا هبطوا كيجرو عندكم عنقوكم بجهد بجهد....اكيد توحشوكم عندهم بزاف ما يعودوا ليكم من مغامرات ديالهم و فاش شاركوا من فنون رياضة...واش تعلموا ....كتركبوا في طوموبيل هما لور كيغنو اناشيد ديال مخيم.....كتشوف فيها كتقول ليها انت عمرك مشيت مخيم كنت مكلمنة كيصفكوك داركم برة دوز صيف...أنا كنت كنمشي لمخيم حويجي في ميكة كحلة عطيني 300 دريال لكن تعلمت بزاف في مخيم استافذة شي حويج يومنا هذا ....أنتما رتاحيتوا ديك 15 يوم من روتين ديال عام ككوبل عشتوا لحياة ككوبل بلا ولاد وهما استافذوا غيروا جو....هذه هي الحياة ....
ما كاينش هذا صبيحة السبت نوض عيط على صحبتك أو صاحبك ....تشاركوا في شي عراضة انتما و شهوتكم تقليدية و لا عصرية...أنا كنفضل تقليدية واحد 200 درهم كبدة كفتة و كوطليط شي براد أتاي نعام سيدي و دسير في الاخير...ضحكوا و فرفشوا مع راسكم ...عيشوا راه سعادة ممكن تخلقها في اي مكان في اي زمان ...ميشي بضروري تكون اون كوبل او مزوج....و الى ميشي اون كوبل ما تزوجناش نموت حنا نموت !!....يا نعيش عيشة فل يا نموت احنا الكل.....
0 التعليقات: