السبت المقدس الحلقة 23
حلقة 23
أشعة شمس تتسلل من نافذة فحال ...ملايير لي تسسلت الى بنما..كضرب لك نيشان لوجهك كتحس واحد دفئ زوين في وجهك...كتلوح يدك باش تحضن و تبوس و تمارس عبادة السبت المقدس الحب و العشق ..ما كتلقهاش في بلاصتها....أووووواه هي فايقة قبل مني شي داعشي سلم في الكاري-روج ديال مراكش ....
كتغوت عليها بجهد MY.QUEEN ..و MY.QUEEN ..هلب-مي ...بشي بوسة على ريق...و بنت الحاج و بنت الحاج مول لافيراي ....انت فينك ...لا مجيب كتنوض لاوي عليك فوطة..كطل في دوش لا أحد في بالكون لا أحد..في كوزينا كتلقى فطور محطوط و حداه وريقة مكتوب فيها حبيبي فطر بصحتك انا خرجت نقضي شي حاجة و راجعة كنموت فيك MY KING ...
و قبل ما تفطر تحيد pause من موسيقى بغيتك تفطر على انغام ديك اغنية...كضحك كتقول في خاطرك الله يحفظ من هذا رومانسية زايدة لا تخرج لنا في شي سنسلة ذهب و لا جلابة ..و لا كتفرش ليا حبيبة خاصنا نبدلو لفراش ..هههههه..كتنوض طلق موسيقى كتلقى ديسك روعة ديال صابر رباعي أتحدى العالم كلو و انا وياك و ..بقول لدنيا بحلها أني انا بهواك ....
كتفطر كدوش كتغسل لماعن كطرف كوزينا ..كتقاد لبيت كتحل شراجم دخل هواء و شمس كتخمل تخمال رجال ..موسقى مطلوقة ...في نفس وقت فلاش باك كيرجع بيك لور كيفاش كانت هذا لبنت قبل ما تعرفك كومة ديال عقد مخشية في لبسة تركية و حجابي عفتي ...و أميرة بأخلاقي معقدة سادة على راسها عزيز عليها عمرو خالد كتمزك غير سامي يوسف رشيد غلام...راسها عامر بقضايا الامة و فلسطين ..خيبر خيبر يا يهود جيش محمد سيعود.....ريحة لكفور ديما في حويجها هههه فحال خارجة من قبر توت خن عمون...
عرفتك انت قلبت حياتها راس على عقب خلتها تحرر تعيش انوثها حاربت ديك افكار بائدة لي معششة ليها في راسها ...ديال المرأة كائن ناقص مسكينة مظليمة ما عندها زهر خاصها تكمش حتى يجي شي حد يسترها ....راه من أركان الحب انك تقدر تغير من تحب الى الافضل تخليه يتنازل على بزاف من افكارو الغالطة و نمط لعيش لمقود لبئيس...ماشي ساهل لكن امام قوة الحب كلشي ممكن شحال من واحد خداها قحبة من البار صدقت انسانة رائعة و زوجة اروع...شحال من وحدة بغات انسان عدمي ما عند حتى هدف غير سايح من سكرة لسكرة ..ورجعتوا سيد رجال يضرب بيه لمثل....
كتسالي خدمة كتريح تصيب قهيوة صباح ..كتشعل طابليط تشوف اش الجديد في العالم اشنو خالق buzz...انت كتصفح فايسبوك...كترجع لحبيبة جايبا غدا اومبرطي داكشي خفيف...كتبوسك بوسة لوف سطوري....كتقول لك نوض نتغداو دغية و نخرجو ...انت ما كتفهم والو كتقول ليها كيفاش ما نكلش لك حلوة صبيحة السبت المقدس هههههه ...واش انا عدوك انا .....كتجوبك تكل حلوة تشرب عصير كلشي...غير تبعني ....كتغداو كتلبسو ..كتشوف سيدة نشيطة زايدة نغزة في تبوغيسة ولحطة و بارفان ياك ما الحاج فرق لورث ههههههههه انا ما في خباريش او شدت فلوس قرعة ههههه..
كتهبط كتسبقك هي تسوق... اواه..كتبغي دوي كتبوسك ..كتشد طريق كتوصل لطوروط كتقول لك حل بواطة قدامك كتحلها كتلقى فولار ديالها ..كتشدو كتغمض لك عينيك مزيان كتبوسك بلى ما تسول اش واقع اعتبر راسك مختطف طالبين فيك فدية...كتورك على كسيرتور موسيقى خدامة سيدة كتغرقك غزل و حب ...كتوقفوا فين معرت كتهبط كتحل لك لباب كتشدك من يدك كتبقى غادة بك....كدخلك هممممم على ريحة هنا بارفان ازارو تعم لمكان ...كتحل لك عينك ويلي ابا ناري امي فين انا ...!!
الحبيبة ديالي MY QUEEN ...دارت ليا مفاجأة كرات كبانو على بحر وجدت كلشي من اجل سبت أحد مقدس ...الحب ينعل ديل وعد انت ناسي عيد ميلادك هي ما نساتش بما انك انت اسبوع جاي ديبلاصما سبقت احتفال باش ما ضيعش فيك نهار عيد ميلاد ...المرأة من كتحبك راه شي حاجة رائعة ...كلشي موجود كابانو بالكون على بحر مزيكا كلشي تمام تمام ....انت كيصعاب علك تعليق هذا لحظات كتبوسها بوسة لعمى في ظلمة كتخلط ليها نيف من فم مع وذن مع ماسكارا ديال عينين....صبر صبر راه ليل طويل...الاخت جايبة روب سواري قصيرة الحد في القد .....هذا شي كامل لي واقع في بلاد و ما نضربوش طاسة !!.......كتفكرك نهار كنت مصحابين كريتو كابانو تزهاو جاو جودارم ههههه جاب الله انت لسانك زوين قلت ليهم جينا نديرو سبت مقدس ...خراو بضحك تا هما متبعين حلقات سبت مقدس و احداث غيرت مجرى التاريخ هههههه طارق صدق داير معاكم مزيان فرها ليكم بلا خبارو ....
عشية كدوز نوسطالجي حب و غرام و اعتراف بالمشاعر و الاحاسيس...مراجعة سنة من عمركم اش زاد اش نقص ...اش خاص يدار اش خاص نتجنبوا ...الى ان تصل لحظة منتظرة ..كدخل تجيب حلوة ...كيطفا ضوء شميعات ..انت كتلف اش من حلوة تسبق واش حلوة الانسانية و لا حلوة ديال لبيض كريم شونطي ....سحرها لا يقاوم شعر مطلوق و كسوة شفافة ظهر عريان ...و ماذا نحن فاعلون...كتشدها من يدها كتبوس في قنط صبيعات داكشي ديال ملوك...كتوقفها تشطح معها على موسقى MY LADY .....سدر على سدر و يا ربي تستر ...كتبدلوا بوسات عميقة عمق ثقب الاسود ..كتقرب لوذنها كتوشوش ليها كلام سحري كتعرف غير انت وهي داكشي ديال سماوي طلاسيم و تعويدات و شمس معارف لكبرى ....كتخليها ترفع كتغيب ...كتهزها ناموسية كتحيد ليها طالون كتبوس سيقانها ...بنادم هو لي يبدا من تحث من ساس و هو طلع دقة دقة .....كسوة طارت عند لبال ...داكشي لي تحث حيدتيه فزعتيه لصق في ثرية ......صدف شوميز ديالك كتسمع طق طرطلق...اصلا ما عرفتش لاش كنشرو لمارك موضة حويج غالين حطات وحنا اجمل لحظات لعمر كنكونوا فيهم عريانين!!...
انت كدوب من كتحس ظفارها هبطين مع سدرك او ظهرك هذا لقطة ضفار بضبط ؛ كثقب اي راجل وخا يكون سفاح الجديدة...و ناري و لعاللام و بانكي مون و أردوغان و سيدنا ...ديرو شي حل راه كنموت ....كتقول ليها خليك كتخرج تجيب لحلوة ..كتحط لحلوة فوق لحلوة ...كيولي كلشي حلوة وحدة ....وكول و عطيها تكل...حضي مع شي شمعة لا دخل شي بلاصة حيد بعدة شمع هو الاول ....ليلة عمر ليلة لا تنسى ليلة انتصار لحبكم لكفاحكم لنضالكم لايمانكم ببعضكم لتنازلتكم و لتضحيتكم من اجل بعضكم ....الحب الحب الحب...
ما كاينش هذا شي يا صديقي و يا صديقتي ....نوضو ديرو صينية و تشاركو ليا في كادو... راه عند عيد ميلاد الاربعاء جاية .....كادو قل من 2600 دريال ردو لمولاه ...... هههههههه....و الا و باش يحلفوا فايسبوكيين حتى نقطع عليكم السبت المقدس و الاحداث التي غيرت مجرى التاريخ....غير كنضحك معاك هههههه احسن كادو هو اعجابكم و متابعتكم احترامكم ليا ...
0 التعليقات: