السبت المقدس الحلقة 2
الحلقة 2
و ﻷن العادة جرات في سبوتا لي فاتو أنها هي لكتفيق و أنت كتبقى ناعس ..
ليوم
انت لتفيق ...بكل حيوية و نشاط ...تحل شراجم كاملين ...هواء صيفي وشميسة
حلوة داخلة ...تخدم بوب مارلي بجهد ...حيث عرف حبيبتك كتموت عليه ...ضرب
واحد 10 طراكسيون ديال بصح...لحب والجسم مطحطح و الموطور كيسكت في الطلعة
ما كيتلاقوش ...
دخل
كزينة توجد احلى فطور ..ممكن يوجد لحبيبتك في صباحية السبت ...خليط بين
تقليدي و عصري ..لخليع بالبيض ..تويشيات بنوتيلا..عصير اسباني ..اتاي ملقم
...مرة مرة كتسمعها كتغوت عليك أجي بغيتك ...انت كتقول ليها بلاتي حبيبة
....
كتجي
عندها كتلقها وخا يالله فيقة في منتهى لجمال و شعرها مخبل و مجبرت كيف
نعمل...كتقول ليها حبيبة كنوجد لفطور ..كتقول ليك بوسة منك فيها فطور عشاء و
غداء ...كتبتسم كتقول ليها شتي ها علاش ختاريتك انت بضبط وتقتلت مع دارنا و
داركم على ودنا كتبوسك هي بوسة هوائية مووووووح .. كترجع كوزينة ...
كتهز
لبلاطو ..عامر فطور غير ديكور كيشهي...كتهز واحد وردية كانت وسط كتاب ديال
محمود درويش في قصيدة ريثا ...كتحطها في بلاطو...كدخل فطور بيت نعاس
...يختلط الخليع و نوتيلا وعصير وكرواصة و اتاي محراش ...مع لحب و
لبوسان...و بوب مارلي مصدع لوقت بي رائعة وومان نو كراي...ما كتسمع غير
كنموت فيك ..كتفطرو كتنوض دورشو بجوج...أويلي أبا على بان دوش إفسان
لوغون...
ما
كانش هذا شي ..راه ما سبت ما تا لعبة ...غير عيط لصاحبك و نوض سير تا وياه
لحمام شلحة نساو بجوج لخرقة ...حتى لتماك طلب كسال مسعود يعطيكم خرقة
...حك ليه و يحك لك ...تا يبان لحق ... من تخرجوا ضربو شي كأس خدنجل راه
كيحيد لبرد و ....من توصل تلقى ظهرك كاع محرود ....شكرا ...
0 التعليقات: