السبت المقدس الحلقة 39
#السبت_المقدس
حلقة 39 و قيلة..
ريحة لبيض مقلي في زيب البلدية ، و صوت مجهد ديال playliste مفضلة عندكم لي فيها كثر من 300 اغنية و موسقى من كاع اصناف و لغات .....روميكس طالع واعر بين صوت play liste و صوت مكينة لعصير وخا تحضر deep low ما يطلعش لك داك روميكس...انت ما ولت متمدد في فراشك الابيض ...اصلا بيت نعاس عندكم noir et blan شي حاجة بسيطة و بازيك ...لكن بلمستكم الخاصة عطتو لبيتكم رونق و شياكة و كلاس.....حتى من كتب حاضرين في غرفة نوم محطوطين بطريقة فيها ابداع.....كل شي على ذوقكم ماشي على ذوق جيران و عائلة و صحبتها دارت داك لون داك ستيل ......
اصلا بيت نعاس شي حاجة بغفيلاج ديالكم خاص تكون فيه لمستكم مكان مقدس كتأدو فيه صلوات و عبادات ديال حب ...فيه كتعتكفوا مرة كتفكرو بجوج بصوت عالي مرة كتفكرو بحوج بصوت داخلي ....حتى من مشاكل لي كتعترضكم و نقاشات و سوء تفاهم و الخصام....كتحلوها فوق لفراش ...كل واحد كيخد حقو بيديه...عاش العدل هههههه
اسمك خارج من فمها فحال شي سنفونية ديال ديال العازف yanni ...حبيبة و نوض راك شبعت نعاس ...نوض فطور واجد يالله دوش ...ما كتجوبهاش ظلما و عدوانا ..غير باش تعود تسمع ديك نويطة صباحية لعذبة الجميلة ...مون أموغ وا صافي براكة عفاك نوض راه زعمة سبت صباح هذا .....انت ضاسر و مفششاك ما كتجوبهاش...
هي في كوزينا كتحط اخر رتوشات على افطار ....كتغني منتهى سعادة...ماشي كاع منتهى منتهى حيث منتهى سعادة هو تكون انت معاها حداها ، ما بغاش يفيق وخا...انا نفيقوا بزز منو...كتحل ثلاجة كتهز قطع من ثلج غلاصون ...كتوجه لبيت نعاس ...تتسلل فحال شي بنيتا صغيرة لاعبة قشقاش ...كدخل لبيت بلا ما دير لحس ...كطلع لناموسية ...كتبوسك في كتفك ..انت كتقفز بالبرودة ...ولا عفاك صافي انا نوض ...هي مجرمة سفاحة ...كتشد ديك قطعة ثلج فمها كتحطها لك عنقك كتهبطها مع ظهرك ........كتنوض تجري ....كتوقف عريان حيث اصلا كتنعسو بلا حويج ..كتشوف فيها كضحك كتقول ليها باغي تمارسي عليا الجنس...و الله تا نقولها لباك الحاج....هههه..كتلاح علك تبوسك بوسة صباحية معتادة....
كتمشي لدوش ..كتسد لباب علك حيث عرفها ..تقدر دخل علك و لفطور يولي غدا...اللهم سد علك هههه...انت غير راجل مسكين ما قاد على صداع ...كدوش كتخرج لاوي فوطة مباشرة للفطور ....يا سلام أبدعت ليوم في الفطور اش من بلدي اش من رومي اش من عواصر ....من كتكون ناشطة راه صافي الحور العين قدامها مجرد شائعات مغرضة ....كتسولها واش ما عندك ما تلبسي لاش لابسة ليا شومزتي ....كتشوف فيك بنص عين...كتهز موس ديال خبز كتوجه ليك واش تسكت و لا غادي نجي نفطر بك .....هههه
كيعجبها تلبس شوميزات ديالك منهم لحم غير مع شي سترينغ محترم هههههه ...الله يعفو عليها كتكون حريصة تحل صدفات 3 لي لفوق نهديها يطلان كنجمتين في مجرة زمردة...بالحق شوميز كتجيها واعرة ..خصوصا ديك رالف لورن لي فحال الموف ...سكسي بنت لحرام ههههه...شعر مخبل مرون كتموت عليها هاكك ..ما عرفتش اش كيعجبها في شعار مصوب مقاد .....
حبيبة اش برنامج ليوم فين نمشو ليوم ....كتجوبها انا بنبرة اليتيم ههههه حازق زيرو درهم هذا الايام ...كتجوبك جواب شهير انت ما كتعرفش تصرف في فلوس هههههه ما كاينش لي خارج علك قد لبس و بارفانات و ماكلة زنقة و قهاوي ....و و و....كتقطعها حبيبة كلبس لك انت بارفانات كنديرهم لك انت ....اييييه ايييه كول بعقلي حلاوة رقدني رقدني ههههههه...كتنوض من بلاصتك كتوقف عليها هي باركة في الكرسي ...كتشوف فيك كضحك اش بغيتي لاش نضت من بلاصتك ...انت قبيلة هزت لموس هددتني بيه هههههه...انا دابا نهز موس من نوع اخر بالحق هذا كيحيي ما كيقتلش ....بنبرة كلها ضحك كتقول لك سير بعد مني هههههه راه نغتصبك...كون تحشم يا البولحيد ههههه ....
ماشي ديما غادي تكون لفلوس ماشي ديما تكون ظروف مزيانة ...كوبل ذكي كيعرف يسير راسو و يخلق سعادة بداكشي لي كاين لي قسم الله ....كتفطروا كتجمعوا طبلتكم كتعونها طبعا في غسيل معان و تطراف ....كتعرض عليك هي لغداء على برة ....لكن كتقول لك صقف ميزانية ههههه كتبدا شاد فيها انت صقرامة جيعانة ...انا من كنخرجك كاع ما كنتحاسب... كتخليك داوي كتبدا هي تغني مع إليسا و شيرين ...ههههه كطفي انت لحزاق كلشي ...كتعود هي تشعلو ...طريقة كاملة انتما هاكا ...حتى كتوصل لمريسة ...كتنساو كركم كتباوسو في باركينغ و غارديان حال فمو فيكم...هههههه ...كتهبطوا ضربو شواية سردين وطبسيل شلاضة و زيتون ...لا غلى على مسكين ارا برع سعادة ....
كترجعوا كدوشوا ...كتشدو ستون في دار ...كتعلمها شوية الاساسيات ديال شطيح لاتيني و شوية slow ...حيث الاخت امية في رقص...اللهم الشعبي كطير فيه حيث كانت كتمشي تعون خلتها نكافة في الصيف هههههههههه تما فين تعلمت ...حتى شرقي واعرة فيه الى ناضت صافي غير بدا تغوت يا بوليس يا شويش يا عالم يا هووووه ...انا عايز سيجارة بني بني و دماغي بتكلني ...كدوز سواري مت زاز لوز....في ليل ما كاين غير الحب المقدس على ضوء خافت و اهات و عطر هي كتوظف كاع اسلحتها الانوثية انت كتخرج كاع اسلحتك الرجولية ....و ما اجمل الموت في الحرب و في الحب ....حب عشق فجنون....
ما كاينش هذا شي يا اخي و يا اختي ، نوض حل ثلاجة شوف اش كاين لفوق جبد شي خنشة لحم....درها تبخر مع خضرة صايب شي صلاد معتبرة ...قاد لبركة ...اتصل بأعز الاصحاب لي هما كثر من خوتك ...قول ليهم يجيبو لخبز و مولادة و لحلويات و مكسرات ممملحات باش تشد ستون مع أتاي....و شكرا..
0 التعليقات: