السبت المقدس الحلقة 31
الحلقة 31 و قيلة ....
ساعة تشير ما نعرف في العروبية تيمة الوقت لا قيمة لها ، كتولي الساعة البيلوجية هي الوقت ...ناعسين فوق السقف ديال الخيمة منكم للسماء و النجوم داكشي ديال أعطني ناي و غني ، ظلام دامس متكين حط راسها على سدرك ..كتشوفوا النجوم المنظر رهيب مستحيل تشوفوا في المدينة ...كيهب عليكم الريح غربي يحمل رائحة الزعتر لي في قمة الجبل ...مخدمين مزيكا من التليفون هدوء سرمدي اللهم شي كلب مرة مرة كينبح....
سفر ديال عروبية متعة ما يعرفها الا لي جربها ، خصوصا في ليل لهربة كتنسى العالم بكل شروره و متاعبه ، انت وياها كوبل ماشي عادي كتحابروا لملل بكل الوسائل كل مرة كتعطو علاقتكم معنى و نفس جديد ...ديما الخرجات السفريات البروغرامات و كلشي زاز 5/5 ..من كيكون الصرف زايد نغزة كتخرجوا خارج المغرب ...
هذا المرة بغيت تبدلوا لهيت لومبيونس بغيت تعيشوا البساطة و الحياة في البادية كيف ما هي قررت تهزو صيكان توجهوا للعروبية في الجبل ، ما مشيتو لا عند عائلتك و لا عائلتهم ..هزتو باكطاج و سفرتو حتى وصلتو لواحد القرية في الجبل طلبتوا ضيف الله ...اكيد ما يسدوش لباب في وجهكم لو عندهم خبزة يقسموها معاكم...دخلوكم كرموكم قلت ليهم ها حنا راه كوبل جينا هنا بغينا ندوز وقت نعيشوا حياتكم بكل تفاصيلها ...رحبوا بيكم ...حلوا ليكم دارهم و قلبهم ...أسبوع داز يجري ...
تيتزة المدللة الشيك ..مشات تسرح لغنم وتجيب لحطب من الغابة مع مي خدوج ، أنت هبط تجيب لماء من لواد انت با محمد ، الحياة بسيطة بكل قناعة و خا تمارة و تعب لكن لحياة عندها معنى اخر الانسان في خدمة طبيعة و طبيعة في خدمة الانسان .....شعركم تغبر ضفارها تهرسو ..انت وجهك كحال يدك حراشو ...لكن منتهى سعادة ..كتنعسوا اول ما كيطيح ظلام كتفيقوا مع اول ما كيبان ضو ..يا سلام على فطور صباح كرموس و حسوة زبدة بلدية خبز من فران فيه بنت العود ....
عشتوا معاهم كاع تفاصيل الحياة اليومية عمرك ما تخيلت حبيبة لعمر تفيق تلقاها كتحلب و كتخرج لغنم من زريبة و لابس بوط ...كتجري تلعب مع وليدات صغار ديال نعجة يا الله دزادو...أنت كتراقبها من بعد مريح فوق واحد لكرمة...كتعرف و تكتشف داك لجانب طفولي في مرتك ..كأنها طفلة ..كيفاش تعايشت مع الوضع بلا عياقة و نفاخة كاين لس ديها 5 نجوم تبقى ما عجبها حال .....
كتركب على لحمار كدير فيها فارس بني عبس..كطلع تلحق بيها لغابة تسرح معاها تجمعوا زعتر و لباكور و توت لبري..مرة مرة كتسرق شي بوسة مخلطة بالعشوب ديال جبل...حتى الجنس ما بقاش محط اهتمام الطبيعة سحرتكم....عشتو الحب بطريقة اخرى ...متعة ما بعدها متعة جا نهار سوق هبط انت وياها في دوك الاجواء السوق رائعة ضربت شواء و براد فوق الحصيرة مرة مرة كيجي شي عازف وتار يطربكم ..... تقدتو كلشي كثر من لازم ...من طقطاق حتى سلام عليكم يعني تقدية شهور لدوك ناس لي ستقبلوكم....
دازت الايام بسرعة ...انت معنقها في سطخ الخيمة كتحسبوا نجوم ..مرة مرة كيطيح شي نجم فحال سهم..كذكروا خرجات ديالكم الفرق بين هذه و كاع خرجات....شي حاجة أورجنال ينعل دين شي VIP ...ختمتوها بتبادل قبل داكشي العميق كتبوسها حاضي من نمل و حشرات و بخوش لا يشاركوكم لحظة ...مستحيل تعراو حيث اي لحظة يبان حنش عقرب بوبريس ..هههههههه تولو في ضحك دراري صغار ...اصلا مكان غير صالح لتبادل تجاري ..مبني غير بروث و طين اي حركة زايدة تهبط عند البهيم في زريبة ...ما نضمنش لك واش قرن بقرة يجيك في زاوية 90 او لا ....
الوعي و تفاهم ديال كوبل هو ضامن الوحيد لانهم ما يعيشوش الملل ...ديما لومبيونس و التجارب الجديدة ماشي مهم فين او شحال ...يقدر يكون داكشي بسيط في مكان ابسط لكن عند معنى كبير في حياتكم...تجربة لي عشتو في البادية خلاتكم تكتشفوا ان عملكم في المدينة مجرد نزهة ...اكتشفتوا متاعب المرأة القروية تمارة لي كضرب شي حاجة فوق طاقة ...كتشفتوا تكامل بين رجل في الحقل و المرأة في الخيمة ...بينما ممكن كوبل في مدينة يوصلوا طلاق على قبل شكون يغسل الماعن ديال عشاء.....كتسلو عطلتكم دموع في عينيكم اول مرة تسافرو انتما راجعين دموع في عينيكم..عتقتوا دوك ناس تفارقتو بالبكى جبدتو شي جوج جوايات عطتوها ليهم ...رحبتوا بيهم في مدينة خلتو ليهم نمرة ....
اول ما وصلتو تقدتو ليهم لحويج شتاء و اثاث لدار رسلتوه ليهم ...ولو عائلتكم جديدة ...كل ليلة كتجبدو تصاور كتبقاو تفرجوا ضحكوا ...بلا ما تحسوا كتلقاو دموع..توحشتو ديك اجواء خصوصا نعسة فوق زريبة منك لسماء و نجوم و لهواء لغربي ....كتبوسها كتقول ليها : قلت هذه ضرب نهار تقول ليا يالله رجعوا لاش جبتني هنا ساعة كتشفت انك فعلا لبنت لي بغيت سواء في مدينة سواء في عروبية في جبل في لبحر فوق سجاد الاحمر حفيانة في جنب الواد ....انت هي انت كنموت فيك ......كتعنقك بجهد ...
ليوم ما كانش الجنس لكن كان ما هو أهم ...هي حلاوة الحياة مع من تحب سواء في ظروف مريحة او خايبة ..الحب هو الحب في اي بلاصة في الكون ...داك شعور الغريب العجيب ...لي يخليك تحس بسعادة فقط انك بجنب من تحب ...فين و معاش !!! ما كيهمش مهم انت وهو في حلوة و مرة .....
ما كاينش هذا شي شوف شي صديق او صديقة طلعوا لعروبية واحد الاسبوع ....عيشوا لحياة مع طبيعة ..صدقوني و الله ما تندموا ...تقدروا تندموا في حالة وحدة الى شي حد فيكم كثر من لكرموس و تعصم ههههه يولي خاصك معاه مغرف و زيت البلدية و أستعن بصديق ههههههههه....ما تنساوش من تكون ناعسيين كتشوفوا في نجوم تفكروني ......
0 التعليقات: