كلاشي شعب - شن طن
شن طن .. :
كلاشي شعب ...
الكل
يترحم ويتأسف ويندد ؛ وشي كيكتب وشي كيصور فيدوات ديال البلابلا والكتوكتو
الخاوي .. ديال تعمار الفايس واليوتيب ومواقع ديال دخلو شفونا الله يرحم
الوالدين.
عمرنا
غادي نتبدلوا عمرنا نزيد لقدام وعمر صوتنا او مواقفنا يكون عندها ثقل او
يتسوق ليها ناس موالين لبلاد ..حيث عارفينا غير تابعين لهدية والحيحة دوز
شوية ونقلبوا ستة تسعود عايقين بنا راه حنا غير مناضلين ديال 3G و الويفي
...
يموت بنادم ولا يبقى حي ما كيفرقش بزاف
عندنا اصلا شكون انت مجرد ورقة ديال خلوق ورقم في بطاقة وطنية ؛ مجرد
مجموعة اوراق خلوق وارقام تسلسلية لا ترتقي لمفهوم شعب قائم بذاته محافظا
على كرامته وحقه ..واعيا بواجباته مدركا لحقوقه ..حنا حتى لعبة والمخزن راه
دير معانا مت المزيان صابر علينا عقود اما كون باع الحزاق في جوطية شعوب
وجاب شي شعب فيه ضوء شوية ...
واصلا ناس اش
داهم يسكنوا حد الواد ..واصلا صلاة الاستسقاء راه دارت في رباط وكازا
...انتما اش داكم طلبوها في جنوب شرقي وتخرج طلبوا تغنجا لافوت ديالكم
...واصلا مغرب زوين بلا شتاء بلا شمس بلا كرامة وعدالة ...ولو دخل سوق
راسكم شوية ...
0 التعليقات: