السبت المقدس الحلقة 1

4:28 ص tarikbenhrif 0 تعليقات

#السبت_المقدس

الحلقة 1

صباح ديال السبت ...لي ما تفيقش فيه على نغمات ...رائعة سلين ديون " بوغ كو تيميم أنكوغ " ...

كتنوض ...من فراشك ...كتقلب فين هي حبيبتك...كدخل كوزينة ما كيناش ...صالون ما كيناش ...لبيت صغير ما كيناش...

كتحل بالكون مقابل مع جردة ..كتلقاها مريحة ...كتمزك شادة كتاب ديال قواعد العشق الاربعون...لابسة شي لعيبة أقصر من قصيرة في غوز بارد....كتبوسك و كتريح تفطر ...و تناقش معاها في كتاب وأن إليف شفق زادت فيه شوية...هي كتقول لك لا بالعكس ..أعطت لتصوف بعد فني...مرة مرة كتكب لك أتاي ...هي كتشرب قهوة...كلما صيبت لك خبز مدتو لك كتبوس ليها يدها ..ديسك باقي خدام ديال سلين ديون...ويلي أبا ..

الى ما كانش صبيحة سبت هاكا عرف راسك ضايع...و نوض جيب لك كيلو سردين ديرو لاطة و ضربها في سطح انت صاحبك وصيه يجيب خبز موناضة درهم هريسة