الفرق بين طالب الشهرة و من يسعى اليها - كتابات متفرقة
الفرق بين طالب الشهرة و من يسعى الى ان يضيف للوجود من وجوده هو أن طالب الشهرة معه ترمومتر يقيس به الثناء الذي قيل في حقه ، أما من يسعى لان يترك بصمة في هذه القنطرة التي تسمى الحياة بصمة تشهد على أنه مر هنا فلان تنفع ناس في دنيا وتنفعه هو يوم الوقوف أمام الخالق سبحانه وتعالى فلا يهمه ما يقوله الناس عنه فهو عارف لنفسه ، واقف على حقيقتها ، لا يغلبه جهل الناس به علما بحقيقته.
أضفوا للوجود من وجودكم ولو بفعل بسيط خود لمبادرة شطب دربكم بوحدك ليوم بوحدك غدا تخلق لحماس في جوج او ثلاثة شوية غادي تولو بزاف ...غادي يولي درب زوين ونقي ومنظم وغادي يقول ايييه راه فلان لي بداها ...سير غير لدار عجزة ريح معاهم ضحك معاهم دوش ليهم لله في سبيل الله اكيد تحس بحلاوة الحياة ...خد مبادرة تعون مع شي طفل مقود عليه دارهم ما في حالهمش ما تشريش ليه أ سيدي غير تكلف بتتبع دراسي ديالو او خرج معاك مرة مرة يشوف دنيا ...ما تسناش شي حد يصفق لك او يقول لك برافو ..دير داك شي مع راسك حيث انت انسان وهو انسان وكفى
..
حنا نهار بدينا كنخد لمبادرة راه خدنها تحدي وقلنا براكة من هدرة في فايسبوك والانتقاذ الخاوي أجي نديرو شي حاجة واقعية والحمد لله لقينا شباب شابات تعونوا معانا وبدلوا مجهود لوجه الله وإيمانا بالفكرة والمبادرة كنشكرهم بزاف والله يحفظكم ويرعاكم ..الخوت براكة من نضال ديال الويفي و
3G أجو نتحركوا ونهزوا لبار الفوق أكيد شباب وشابات غادي تبعونا ..وغادي يسر الله تعالى سواء بقليل او بكثير... حنا ما بغيناش نكون نجوم ومعروفين او نبانو في تلفزة والقنوات ابدا ابدا ابدا حنا بغينا فقط نكون شباب زوين باغي يعطي plus يخلي بصمة في الحياة أما لي بغى شهرة الله يطليه بها ولي بغى الجيمات والبارطاج ولي vu الله يغرقوا فيهم ... حنا فقط بغينا نعطو نموذج ديال شباب ولاد شعب من الفئة الفقيرة المهمشة باغي يدير شي حاجة زوينة ...حنا فقط بغينا وطن كريم لكل مغاربة احبكم لله
.
0 التعليقات: