صحابات غير خود ليا فحالك - شن طن

3:39 م tarikbenhrif 1 تعليقات

أ ●●● مالك على حالتك سول و استفسر بلغتك دارجتك ..و لي مكلف يجوبك و يقول لك كل وجبة اش فيها ...ممكن يزيد يحترمك كثر عوض ما تمثل و تعذب روحك ...خليك كيف ما انت ...الى دوتي بدارجة انت رابح ممكن ما تعطيش برفوار او تعطي شي لعبة ...انا من كتبقى تمثل كتصور راه خاص تعطي برفوار يليق بتصاور و تبعصيص هههههه ...

غالبا هذا لي كيتصنع كيتبعصص ديما ما كيعطي والو ممكن كاع يسلت لكارديان بجوج دراهم ...داك لي كيدوي غير بدارجة كتلقاه كيضبر على سرفور على كارديان خارج ضاحك و ناشط ...

واحد لمرة كانت معايا واحد خيتي من داك نوع لي ما كتقشرش ما رضياش بواقعها ما عرت فين بغى طير ...ممكن تسلف تكلف تمشي فواياج أورغانزي لطايلوند غير باش تفوح و تصور على بنات درب و صحبتها ...او كل سبت تكري طوموبيل تمشي تسهر في شي قنط تلوح في الفايس انا هنا..داك نوع لي كتنكر راه بنت حي شعبي....ريحنا في واحد ريسطو فرنسية مهم سيدة طالقة عليا VIP ديالها انا غير سرحها و كنشوف...و عارف راه بقى كتنعس في دارهم على سداري الحلفة كتحك في الحمام بخرقة الفاسية ...

هي شدت menu طن طرطلن فرونسي ديال لوغال ديال ثالث إبتدائي ..طف خدات لونطغي ...زادت لبلا لي بغات..واثقة من كرها جدا ...ضربت لونطغي جابو ليها لبلا ههههههه هنا بضبط ما تبغيهاش لعدوك الاخت طالبة جهاز تناسلي ديال عجل محضر بطريقة لفرنسية مع روج معتق هههه...قالت ليه اشنو هذا ههههخخخخخخخخ... جوبتها و انا مبتسم ...هداك سميتو ●● تكعدي على سلامتك ..ههههههه ...مالك على حالتك غير سولي و تواضعي نوروك حتى الى ما عرفناش حتى حنا نسولو ...من تماك ما بقيت شفتها ذهبت و لم تعد...هههههه..تحية لصحابات غير خود ليا فحالك ...