طارق و القواد - كتابات متفرقة

4:27 م tarikbenhrif 0 تعليقات

شوية حتى كيجي من وراء دوك سواعدة جوج شباب قدي لابسين مزيان كيحولوا يوقف دوك سواعدة انا وراهم جري معاه العشرة الالاف متر ..يمكن كيعرفوهم !!! انا غادي وراهم حتى كنسمع شو بدك يا شيخ بنات عذروات راقصات كل ما بتحبوا عندنا ...
 خوتنا طلعوا قواويد كيجبوا لسواعدة دريات أنا تخلعت تزعزعت أنا ما كنتش نتخيل أننا وصلنا لهذا المستوى قررت نوقف ونراقب شوية ها هما جوج حوالة غادين نفس سيناريو حتى كيتبعوهم دوك جوج ولاد....

طارق خاصك دخل يا قاتل يا مقتول..طارق شنق عليهم ها مخفر شرطة قريب ..طارق سير دخل سوق راسك...راه مول لبلاد يراهن على مقاربة لحم مقابل الاستثمار والدولار ..بلاد تقواديت ولات فيها سياسة واقتصاد واش باغي تخرج على اقتصاد لبلاد ...مهم رجعت فحالي صورة ديال دوك جوج قواود بقى بين عيني ما كرهتش ندوز عليهم بجنوي حافي ..تكون سكيري و تكون شفار شمكار وحتى نصاب نقد لقى ليك مبرر ..لكن باش تكون قواد كتبيع لحم بنات لبلد ومعه شرف وكرامة البلد كدسير يهضموا بيه الخلجيين هذه بزااااف ما تسرطاتش الا حد كتابة هذه الاسطر ...