السبت المقدس الحلقة 20
الحلقة 20
ساعة تشير الى 5 صباح ...باقي سماء مخلطة كحل و بيض لبستي انت و هبطي سبقتها للطوموبيل ، ريثما تهبط هي زوينة هذا ريثما هههه ..كتجي لابسة لكولون و سبرديلة واحد لقبية لفوق...تتوجهو لأقرب غابة ...كتمارسو رياضة مشي و جري حركات و هز لبوطة حط لبوطة ...كل سبت هذا هو برنامج منذ اول شهر جمعكم...مرة بحر مرة غابة ...كتسالو كدوزوا تفطرو عند واحد سيدة في دوار ..فطور بلدي لبن حليب بيض بلدي خبز ...مهم 8 كترجعوا من ألعاب أولامبية ديال بوسكورة...
كتكملوا بطولة العالم لألعاب القوى داخل القاعة ...ممارسة أكل حلوة عندكم شي حاجة مقدسة احساس مقود انت باغي تنتزع منها كامل أنوثها هي باغيا تخرج منك رجولتك ...و يا أنت يا هي و النفس الطويل ...كدوشو في وقت واحد ..كدير ليك صابون كدير ليها صابون بطبيعة لحال بما يرضي الله ...واحد لحظة بلا ما تحسو..كتلقى راسك كدير ليها تنفس اصطناعي فحال لا سيدة سخفت لك في سخون ...ويلي ابا على ديك لبوسة ( kiss french ) ديال الهلال الاحمر طويلة كيتخلط فيها لسان وريق و شفايف مرة مرة كتسمع تقريقيب سنان دليل على راك وصلتي اخر سطاج...جمع راسك لا تولي عضها ...
أنثى حقيقية كتعيش معك l'amour ..و هو رجل مقود مجنون في حبك ..كيخليك تقولي ان راه وقيلة هذا اخر واحد بقى في الباكية ديال الرجال....في الممارسة ما عندكمش انت رجل انا إمرأة..هي كتسيف لك انت كتخياب معاها...داكشي طبيعي و متوحش مخلط برومانسية قطعني حتة حتة و رميني لمئة قطة....
كتهزها لغرفة عمليات...راه اسبوع ما عشتي لافي انت وياها...ويلي ابا على ريحة جيل دوش ( إفسان لوغون ) ...رجيلات ديالها بوحدهم تلحسهم تبوسهم فحال بولو ديال 400 دريال ..كتبدها من لتحث حيث ساس كاين لتحث من رجيلات وطلع ..ديجا راه لفوق بدتيه في دوش....بركان غادي كيشعل كيزند و نار نار بين الكبار خلاها رؤوف خليف...
كتندمجوا بوسة فيك بوسة فيها ...عضة فيك غضة فيها ...قمشة فيك قمشة فيها..كل واحد كيبغي يثبت الاخر أن كيبغيه لدرجة ديال دوى فيها مولانا جلال دين رومب و شمس تبريزي...حيث لا شيء الا الحب و كل شيء هو الحب....هز خبط قلب على جناب ..من كتعياو كديرو فاصل اشهاري مع 69 ...الى كنت كديرو رياضة كوبل سبورتيف راه تعيشوا سعادة في ممارسة ...كنت كوبل ديال كوكوط و لمرقة بسلاوي لحم راس عولوا راكم ديرو واحد غير برضى الوالدين ...تنوض تشكي اه و قيلة تعنزت من عنقي...ياك قلت ليك خلني مشبح على كرشي جي انت فوق مني....تجي فوق منك دخلنا علك بالله اين هو الاغراء سداري فوقو مسند...هههههه
كتسلو سبتكم مقدس...كتعودو دوش خفيف ..كتعمرو قهيوة كتحطوا حليوات ملاح ....كتنوض انت تعونها في تخمال ..كتقول ليك حبيبة رتاح بليز الى بغتي تعوني سير قاد ديك مكتبة مسح كتوبة من غبرة...كتبقى هي في كوزينا انت كتمشي تقاد ديك مكتبة صغيورة لي ملصقينها في الحيط ....كتوبة عبارة عن تحف و الجميل انكم بجوج كتقراو كتشرو لكتوبة ..بجوج عندكم خلفيات مختلفة ...اصلا قصة حبكم بدات في مظاهرة طلابية خرجت من الجامعة ...كنت انت ثائر مقود ضد ظلم و حكرة ...حتى هي ثائرة ما كتخافش إمرأة حرة اصيلة ...شفتها كيفاش واقفة في صفوف الاول كتندد بظلم و الاستبداد..عشقتها حد جنون هذه هي لي تستحق نغامر معها تستحق تحب حب ثوري....
كبر لحب مع فكر ديالكم...مقودة تبغي في شي حد عقلو افكارو شخصية ديالو...احساس ما يفهم معناه غير لي جربو...أما صحاب أختي عجبتني بغيت نتصاحب معاك و صحابات نمشي مع ماما العرس على الله يطيح شي ضحية...زواج قاعة جوج من الحاجة ما يفهموش هذا شي لي قلت...حتى دراري صحاب نظرية ما ترتبطش ببنت كاريزما واعية مثقفة قارية..حاول تشوف بنت ضعيفة شخصية ما عندهاش فكر و معرفة يا ريث تكون عمرها هزت و قرات كتاب.. باش تحكم فيها ...حتى هدو ما يفهموش قصدي للاسف...
دوزت انت وياها مسار مقود مشاكل صداع ..باغين لخير لبلاد وشعب...حتى وصلت قناعة ان تغيير صعيب مع هذا شعب...ان احسن ما يمكن ديرو ترتبطوا تكونوا اسرة مختلفة على اسر مغربية و على نسق لصنع نظام...دابا 3 سنين زواج عام رابع مبرمجين تولدوا ان شاء الله....تربوه تربية مختلفة تخلقوا لنا انسان بكامل انسانية ديالو ما كيعطيش 20 درهم مقدم كيحترم قانون سير ما كيلوحش زبل في طريق وقت ما عندو لوقت في طرام في زنقة طوبيس كيجبد كتاب كيخشي وجهو فيه ما كيقولش عاش ملك ..ماشي مجرد رقم في حالة مدنية ...هذا هو مشروعكم في الحياة...ويلي ابا..كتسلو كتريحو تناقشوا اخر انتاجات فكرية...مرة كتقول لك هي واش عقلت على داك لكتاب ديال سيمون دو بوفوار....كتجوبها وي قيرتو كيشبه في طرح ديالو روبير ايزاك في من نحن ...نيتشه رفقاء ابن حزم متنبي اليف شفق و تلوستوي و البقية .... كلهم اصدقاء ديالكم.
شوية كتقلبوها نكت و طرائف ..نهار جاك الاسهال انت في جامعة ...كتفكرها انت عقلت نهار مشينا لعرس بنت خالتك نوضوك تشطحي شعبي تهرس لك طالون جبتي ربحة...ههههههه..الاخت مولفة على لاتينو و صالصا داكشي ديال كفار...نوض والله حتى تنوض نشطحو شي بارتيا...كتخدموا موسيقى ..ويلي ابا على شدة من لي هونش...
ما كاينش هذا شي نوض خويا و يا اختي ...خرج دير شي 100 درهم في جيبكم عيط صاحبك او صحبتك...هبطوا للمعرض الكتب القديمة راه فيه كتب زوينة ثمن جد جد مناسب لنا حنا فقراء...و تشطر على راسك راه ممكن يبيعو لك كتاب بثمن جديد هو قديم...ممكن تلقا عندهم كتاب جديد يبيعوه لك بكثر من مكتبة....رد لبال ..من تسالو كيف عادة قهوة السبت خفيفة ظريفة ...شكرا ...حيد طفي...
0 التعليقات: