السبت المقدس الحلقة 38
#السبت_المقدس
خاص سليباطير
الحلقة 38 وقيلة ....
صيف سالا و ايام دور و زمر و عود عمر أشرفت على نهاية ، واحد جوج ثلاثة لقيت راسك في بلاكة طوبيس مع مئات من ولاد و بنات شعب مع 6 صباح متوجه الى الدراسة أو العمل ، سنة أخرى من الكفاح و التعب و الفياق بكري ، و جري عليا نجري عليك و ماكلة زنقة و نصوصا ديال طون فرماج و طباسل لوبية بالهريسة عند أمي عايشة ...سنة اخرى من تحنسيرة و تفكير و شيط صريفة باش دوز سيمانة جاية ....طوبيس كيجي ارا ليا ما عندك دفعني ندفعك...شي كيدفع شي علاش معرت ......مع انه ممكن نديرو صف كلشي يطلع ....
رجعت لدراسة ما حملش راسك نفس مؤسسة نفس اساتزة و لمكونين لي كتحس بيهم راه جايبهم غير صالير ، لعشران في الفصل حائرون ها صحاب زطلة ها صحاب تطلاع ها لي جاي باغي يقرا ها لي جاي باغي غير يخرا ...ها لي جاي غير جاي و صافي باغي يبدل لجو ....ها لي جاي غير حيث كاين دريات...انت بين هدو و هدوك ضائع يا ولدي ....
كديها في قرايتك ما كضسرش عليك بنادم ، شي كيقول معقد شي كيقول مكلمن شي كيقول حاس براسو كل يلغي بلغاه ، المهم هو انت مرتاح زامط ليا بنادم ، ما أصعب لبداية في اي حاجة في قراية في خدمة ديما لبدية مقودة....الا في حاجة وحدة الحب أ صديقي ...البداية فيه رائعة احساس اسطوري واصل لجدر ديال الانا و الهو و الوعي و اللاوعي ....
عرفتها في دراسة ، ديما كتساطح معها في المكتبة ، مرة كتبان لك فاتي فلوغ بداك لبس كبير عليها الوان كناوية ديال صويرة و زيف و كتاب باين فيه قديم تحفة تاريخية ، مرة كتجي ضاربة لك شي حاجة كلاس شي ميني جيب و لافيست هازة شي كتاب ديال داني براون ...مرة كتجي حاطة شي حطة سبور شي تويشية لفوق بالكولون و سبرديلة كتاب من ادب روسي الخاتر ...مرة كتصدمك بجلابة قصيرة و لموكسان أ صوغتي كتاب لطارق رمضان ...لكن الاهم من هذا شي انك ديما كتلقاها في المكتبة خاشية وجها في شي كتاب ......في وقت دريات لي معاكم خاشين وجهم في كافي creme شي فوري نواغ شادين لهدرة شتي بديعة طاحت مع حكيم ساعة لقاتو ما كيقيمش ....شتي فلانة كتموت على فلان وخا عارفاه مع فلانة ....وهكادا دواليك تقشار في تقشار ممكن يوصل حتى ملفات الاساتزة.....بنادم مكور مخور ...
هي ل...ا كانت استثناء ، الابتسامة إلقاء تحية ، كاين شي حاجة في قراية مرحبا شي كلام ديال واقفين في ساحة او في القهوة ...انا غير نسوني كتمشي لمكتبة كتعيش ككائن ثقافي ...الجميل انها ما مزعماش عليها بنادم فرض احترامها على الجميع .....مششششششششكل انت صافي مغروم ديال بصح درية عاجباك بروفيل مقود داكشي ديال انثى عبرية في قلبي .....كدوز من حداك ريحة بارفان ديالها كتبقى لك في ذاكرة .....انت ما شاعر ما أديب ما مدمن قراءة ما تا خصية ...وليت كتلقى راسك في مكتبة حتى انت كتقرا كتناقش ...ههههههههه
مع مرور الوقت وليت كتقرب منها حتى هي حست راك انت باغي تقرب منها ، ولات كدخل كتلقاك هي كتقول واش مسموح نبرك حداك .....الى مشات تشري شي حاجة كتقول اش نجيب لك معايا ....ههههههه يا حلاوتي الحب يا حلاوة على رأي العظيمة ام كلثوم ....إندمجت في حوارات نقاشات حول الفلسفة و الفن و الثقافة و السياسة و الدين و الموسقى و سوليما....كتحس براسك راك مع وجود و كائن ثقافي انت مرة مرة كطلع بشي طلعة لموت ديال ضحك كدور ليها صمطة كتشد فيها او كتعود ليها شي بلان ديال شبكشي كتخليها كتبكي بضحك....
كيفاش تصارحها كيفاش دوي معاها في انك رحت في ستين دهية ها الفايسبوك عندم ها رقمها ها انت كتشوفها كلها نهار ....فين هي لفهلوة و زعامة ديالك صافي تقداو لك ...و لا حتى انت نموذج بئيس لرجل شرقي لي عند فوبيا من المرأة المثقفة الواعية .....برب حتى نصارحها لي بغى يوقع يوقع ...اصلا حتى حد ما يموت ناقص عمر هههههه ...
كتقرر نهار الاربعاء ، دوي معها دزت شريتي وريدات باكية orio عارفها كتكلو بزاف ههههههه خبتي داكشي في شكارة ، مشيت معول تفجر رمانة وصلت لقيت ولاد لقحاب طلبة دايرن اضراب باش تأجل إمتحانات ههههههههه روينة ، زهر لمطلقات عندك...لورد يدبل أوريو غادي يدوب ...ويلي لا ما يمكنش ، كتبان لك هي واقفة تتأمل العبث لي في منظومة تعليم المغربي كتوجه ليها مباشرة ....بغيتك في شي حاجة ...وي وي حتة انا كنت خارجة يا الله نتمشاو ....
كتبقى غادي انت وياها كتسنى لحظة ....اواه اش نبقى غادي حتى نوصلها لصالون دارهم ....كتوقف قدامها هي ما فهمت والو انت زامل بوك مكلخ مع دعقة سبقت ليها أوريو ههههه كتعود تتدارك انت مرتبك لا بلاتي كتجبد لها وريدات عاد كتعطها اوريو .....نجيك من الاخير انا كنموت ..حدتهم ليا صعيب تبغي بنت في عقلها فكرها كاريزمتها .....
كتبقى هي مصدومة من لفعل ديالك ....انت كتسنى تشبرها معاك بشي تصرفيقة تقول لك داكشي مسلسلات مترجمة حمار نذل جبان حقير ....شافتك شوفة فيها كاع روايات الحب و العشق لي قرات ...عنقاتك بجهد ....طوموبيلات كيشوفو صحاب لوقت يحضرو ....لقطة وقف فيها زمن احساس الحب و الاعتراف ما يفهمني و يحس بيا غير لي عاشوا لايف مباشرة حيد عليا من صحاب حبها في الفايسبوك و برتشها في الواتساب ....هههههههه..دخل معايا القطاع ديال الهدرة دخل معايا للواقع ....
قصة حب بدات يا سلام تحب وحدة كتقرا معاك ....هي كتموت عليك ...معونين بعضكم في القراية باش تنجحوا بجوج ...راد لك لبال و راد ليها لبال ...مرة مرة شي برنامج من ديال الحب بنهار حسن من الحب بليل ...كترخاو من بعد ما كتكون وصلتو لقمة همالايا في داكشي ....كتبدا تعود لك على شي كتاب تناول فيه كاتب هذا لحظة ديال تماهي الجسد ديال العاشقيين ....انت كطلق لخبرة ديالك ...اييه راه حتى انا كنت كنقرا لواحد ساط في الفايسبوك كان كيكتب واحد سلسلة السبت المقدس .....كانت كتعجبني لكن ما كنتش فاهم لعومق ديالها ...دابا عاد فهمت طارق اش كان باغي يوصل لينا .....حبيبة عطيني الفايس ديالو نشوف هذا ساط ..ما عندك ما ديري بيه كيخسر لهدرة زنديق ...شاك فيه بولحيد ههههه ...كتسمع هي بولحيد كتموت بضحك....كتبوسها في كتفها...كتنعسو واحد نعيسة كتجي للعشاق من بعد نهاية شوط الاول فيها 5 دقايق و كأنك نعست 5 سنين ....العشاق عرفيني علاش كندوي .....
الحب و العلاقة في فترة شباب مرحلة lycée و الجامعة او مدارس او ......كتساهم بشكل كبير في تكوين ملامح شخصينا مستقبلا....رغم ان الاغلبية ما كتمكلش حتى لقطة نهاية من كيبوس لبطل البطلة في افلام امريكية ...لكن كتبقى عايشة معانا ديك لعلاقة في ذاكرتنا الحية و الميتة .....ماشي اي واحد بغيناه راه مكتوب نخدوه ...ماشي اي واحد بغتيه يعني راه هو ديالك ....كاين شي حاجة سمتها ارادة الله و القدر و الحياة و الظروف و الزمان ......لهذا واحد يكون ولد ناس و طيب و حتى انت كذلك ...باش حتى الا تفارقتوا كتبقى علاقة زوينة رائعة فيما كتفكريه او كيتفكرك كيبتسم كيدعي لك بالخير .....
ما كانش هذا شي نوض هز صاك الحمام سير ضربها واحد تحمحيمة فاعلة تاركة رجع فحالك صايب شي عصير او شي براد مشحر مع حلويات و الفاكية ديال عواشر ...و شد شي فيلم او كتاب ......تفكرني .....احبكم ...
تبارك الله على با طارق
ردحذف