السبت المقدس الحلقة 16
الحلقة 16
صبيحة السبت لي ما تفيقش فيه ..على واحد الاحساس شبيه بدغدغة و وكأن ريشة كتمشى على سدرك ..و كطلع حتى وجهك تلاعب حروف ملامحك..كتجيب لك ضحكة ..كتحبس الابتسامة كتغوت بجهد واش انت لي عندك شعر ..جمعي عليا شعرك خليني نعس..كتقولها بنبرة ضحكة غالبة عليك ..كتغمض شوية كتحس بضفار صبيعات رطبين كيديرو جولة تفتيش نهاية الاسبوع واش كلشي مزيان في بلاصتو....ويلي أبا على لجنة تقصي الحقائق ...
كتعرف أن حبيبة طالع ليها مورال ناشطة مطلعها عليك...حالفة حتى تغتصبك أجمل و أرق و أحسن إغتصاب ..يا رباه أش درت باش ترزقني إمرأة مجنونة فحال هذه تعشقك حد الجنون ما كدخرش جهد انها تمتعك تجدد في علاقتها معاك وتحارب معاك الملل لي هو العدو الاول للعلاقات ..
الاغراء ديالها لا يقاوم حواء و ما أدراك ما حواء ..تستجيب ببوسة فحال ديال إنعاش الغريق ...لفم مع لفم لسان مع لسان طرن زبدن...ريق يختلط بريق..برب وخا يحضر سيدنا و يغوت عليكم واااااا شعبي العزيز..واااا شعبي العزيز.. و برب لا تسوقت ليه صافي ارتقيتوا بروحكم جسدكم لدرجة تصوف في الحب و الوصول لليقين و الايمان...
ستفتش عنها يا ولدي ...بين نهدين ، شحال قدك تبوس كتحس بتقليد لا خلتي شي جزء من جسمها ما بستيهش طبعت بشفتيك و وقعت عليه بلسانك ..كل نقاط الاثارة حفظها ..هي كذلك في وقت كاين كوبل سنوات هما مع بعضهم و ولدو لولاد كاع ما عرفش نقاط حساسة ديال زوجته و حتى هي ما عرفاش نقط حساسة...مهم مكينة مولينكس كدور و طحن و غربل ..لا إحساس لا متعة لا خمرة حب إسقينها ....داكشي ميكانيكي 1+1 عنداك عنداك فين هي لفوطة ....
ينعل ديل بو لعالام عرفت اشنو تمارس سبت مقدس بحب و متعة و إعجاب كتشوف فيها هي الوحيدة لأنثى في العالم غيرها مجرد إشاعات مغرضة ؛ حتى هي كتشوف فيك انت بوحدك لراجل غيرك مجرد ميخيات ..هنا كتحس أنت براسك super كتهزها بين يديك يا سلام على الحب بالواقفية face face انت هزها ...وخا انت راه لبوطة كثقل عليك لكن ديك لحظة يقولوا ليك هز برج إيفل جيبو بيعو في جوطية درب غلف تهزو بكل فرح....إنها العبادة المقدسة كتحس براسك قادر دير شي حويج مستحيلة...صدق من قال الحب يصنع معجزات ....
كتوصلوا مرحلة ديال top ..كاع الحواس ديالكم كيتوقفوا حتى دقات لقلب كتقل...ويلي أبا على ديك لحظة ...ما كتبقاش عارف راسك فين كاين ..هانية وخا يديروك في مختفون ...مهم حاس و عاقل على حاجة وحدة انها ناعسة على سدرك معنقها ...مغيبة واش تنوض تجيب ماء و سكر و لا بصلة ...لا تفيقها بشي بوسة من دوك بوسات لي كيفيقوا مسيح دجال من الغار ديالو بوسة ديال تحث لوذن قنت شفايف ...
كتجمع نوضة للدوش ..انت كدوش كدندن برائعة خوليا vous les femmes vous mon drame ....كتخرج دغية لا تعود تحصلك في دوش كتمشي كوزينة تنهمك في إعداد الافطار و أغاني القديمة شاب خالد مطلوقة على جهد شراجم محلولين و شمس داخلة ...ويلي أبا على إحساس ...كطلق حاسة شم ديالك فحال كلب سلوقي ..ريحة ديال لحبيبة جون بول غوتي وصلتك...يا رباه خلينا نفطروا ...راه تبعنا طريق..
كتفطروا كتناقشوا طريق لي غادي تشدو ...عطلة هذه بغيت تسافروا ميشي سفر مغربي لا لا لا ..ياالله عند دار خالتي مراكش ...لا ياالله عند بنت عمي لشفشاون...قررتوا تسافر سفر sauvage داكشي ديال into the wild...طوموبيل سكادوات على ظهر سورفيط سبرديلة ، حط طومبيل في شي بلاصة طلع للطبيعة و الجبال و البحور...
مغامرة شوفوا صحتكم واش بخير شوف واش باقي عقلية ديالكم شباب واش مازال عندكم حس مغامرة ولا صافي وليت كوبل مغربي كلاسيكي ديال ويكند في داركم ويكند في دارهم .....كضرب طريق على رجلكم كتعيشوا الحياة ...من كتعيى لحبيبة كتهز ليه صاكادو تشدها من يدها تشجعها ما بقى والو رأس جبل go go my love ....يا سلام على إحساس شي حاجة أورجينال تعيشوا هذا شي لا لقتي بنت تسافر معاك بهذا طريقة تعيش معاك هذا شي ميشي دوز عن عدول سير لدار ضريبة كتبها في سميتك و حفظها ...
كتوصلوا كتلقاو ناس أصليين في جبل ..ناس طيبيين بسطاء كيكرموكم...كتقرروا تباتوا تماك في خيمة بالهواء طلق....في جبل ويلي أبا على ممارسة الحب فوق علو 3000 متر ...أكيد في الاول يسكت ليكم موطور عامل الارتفاع مقود هههههعت... لكن كيف ما قلت لحب يخلق معجزات ههههه...يبقى نهار تاريخي عقلت حبيبة نهار لخيمة في الخلى و تحث ضوء نجوم .....يا زينة ما درت فينا ...أنا و حبيبتي.... .تحث ضوء القمرة تحابينا...
ما كاينش هذا شي صبيحة السبت نوض يا أخي و يا أختي عيط لصاحبك أو صحبتك هبطو لأقرب مكتبة ...شري لك شي كتاب يكون من تخث و العومق ديال العمق وعطي تيساع لقواعد العشق الاربعون ...وبعد من احلام مستغانمي و باولو كويلهو ...راه ولو مستهلكين مجرد إنتاجات كوميرسيال لا أقل و لا أكثر .....من بعد دوزو ضربو شي بييتزا ..ديرو قهيوة ها كلشي زاز لوز كاوكاو...اكاجو بيسطاج.....الجوز الهندي غالي شوية ...وشكرا...
0 التعليقات: