السبت المقدس الحلقة 6
السبت صباح لي متفيقش فيه ...قبل ما تحل عينك..كتحل نيفك على رائحة بارفان ...لي كدمرك كتخليك بقايا رجل ...حتى دوك لبقايا ملك واحد المرأة ..بوحدها لقدرت توصلك لمنتهى الحب و العشق و الاحتواء و الاكتفاء...
كتهز راسك على مخدة ...بشوية بغيت نقول ديك لعيبة ديال دوز يدك على شعرك ساعة مغاربة راه شعرهم ما معونش ...كتشوف جهت لمراية كتلقا حبيبة مريحة كتقاد شعرها لاوية عليها غير فوطة مخدمة ماجدة رومي يسمعني حينا يراقصني..يا رباه اش هذا صباح...لي تصبح فيه على شمس في سماء شمس أخرى عندك ديالك ...
كتنوض كتسلت فحال سارق اللذة كتجيها من لور كتشم ريحة شعرها ...كتعنقها بتعنيقة العشق المسموح حلالا طيبا ...كتبوسها في عنقها ...كتقول ليها صباح الخير يا أحلى إمرأة في الكون ...كضور عندك..كتشوف فيك بنفس نظرة ديال ديما..نظرة فيها دواوين و قصائد ..مخدر روحي ...كتبتسم...يا رباه ..ويلي أبا على الحب ...شتي علاش خاصك تخد زين...
وحدة دقيقة ديال صمت روحي...لا كلام غير نظرات ..تبادل كاريس ..كدوز يدك على وجها كتكتشف ملامحها....هي كدوز يدها على سدرك تفاصيل وجهك..وكأنها كتقرا بطريقة براير ديال عميين...
بلا ما تحسوا ..كتلقى طبيعة و الجادبية جابتك عندها...جابتها عندك...اش من بوسان اش تنهيدات ...اش من همس في الاذنين ..اش من اصابع كتعزف على نهدين...مهم الاخوان الفوطة لي كانت عليها طاحت غمضو عينيك الله يجازيكم...
شحال زوين تفطر بالحب سيك ناشف بلا نوتيلا...كتوصلوا قمة ديال العشق...كتحس بالارتخاء ...خصوصا هي المرأة سعدتها في ممارسة الحب المقدس اكثر بكثير من راجل ..خصوصا لا كان الحب ما كينش بيناتهم داك الحشمة و الخجل السلبي لي كاين في مجتمعنا...
هي مغمضة عينها ..كتبوسها في جبهتها ..عينيها نيفها شفيفها كل وحدة بوحدها...وكف يدها...كتقول ليها حبيبة بوسة رجل نخبيها لك حتى ليل ...كريدي ..تساليه...كتقول لك انا نقيدها في كارني... كتجوبها تبارك الله على حماد مول لهري ديال لحب .....هههههه
كتونوضوا دوشو ...كتخرجوا...بجوج كتوجد الفطور في كوزينة ...وخا سكن اقتصادي على قد الحال ..انت و هي على باب الله لكن عيشيين الحياة بقناعة وسعادة...متافقين حتى دوزو 4 سنين شهر عسل..و تستعدوا لانكم تكونوا أب و أم سواء نفسيا ماديا حيث كوبل زوين ناجح راه لا يعني ام و اب ناجحين...لهذا تفقتوا انكم تعطو راسكم وقت تفاهموا كثر تعرفوا بعضكم كثر ...تهز بيها و تهز بيك ..تصبر ليها تصبر ليك...مع الايام حبكم كيتحفر في لعقل و القلب....ويلي أبا على مفاهمة و الوعي والنضج شحال زوين...
تبا تبا لهديك لي كتخطط معاك لحب و الوعود و الحياة في الغوز ...غير كتمكن و توزوجوا كدوز 6 شهر كتقول لك أنا حاملة...أنتما يا الله بادين تلفزة بقى ما كملات في لخلاص....هذا نوع يبعث الله مع امرأة ابا لهب حمالة الحطب...
كتريحوا تفطرو...داكشي لي قسم الله ..بكل قناعة...كتجبد ليها نهار طلعت معاك لدار طلعتها بسلوم صباغ للبيت عندك..غير دخلتها لبيت نستي سلوم في شرجم ...ههههه...حتى ولا جاي صباغ كيدق لفرشة حيث خلتي عندو لكارط ناسيونال قلت ليها ساعة ولتي في نص نهار.. .هههههه
مهم الحياة و العلاقة لي ما فيهاش مغامرة و الجنون...ما علاقة ما حتى لعبة غير سير عن مك قولها زوجني ..هني راسك...
كتفكرك هي حبيبة ليوم سبت ...ياك كونا مديرين ندو داك راجل و مرتو لي تحث منا لحمام في سبيل الله...اه وي روحي ...كتنوضوا تجمعوا طابلة ..كتهزو حويج لحمام...كتهبطوا عند دوك جيران داك رجل عجوز مراتو مساكن ما رزقهمش الله لولاد ..كبروا لا حنين لا رحيم...كدي هي لمرأة الحمام ...و أنت كدي راجل....كل اسبوع في سبيل الله ...ولي أبا على حلاوة ديال الحياة ....بين هذا لكوبل ..تخيلوا من يرجعوا بليل اش يطرا ...نار يا حبيبي نار...
ما كاينش هذا شي ...نوض حل ثلاجة و هز واحد جوج ميكات ديال لحم لغنمي بتخبية على مك...جبد كسكاس و بارمة ديرهم يتبخرو باش يحيد منهم كليسطرول...عيط صحابك يجيبو معاهم لخضرة باش تصيبو شلاظة مغربية ودسير قول ليهم يقوو من تفاح كيهظم مزيان ...بصحتكم...
0 التعليقات: