السبت المقدس الحلقة 4
السبت لي ما تفيقش فيه ...كتحس براسك و كأنك نازل من كوكب اخر غير هذا لقرينة لكحلة لإسمها أمنا الارض...كدور وجهك لجهة الاخرى ..كتلقى حداك نعمة ربانية و ملاك في شكل حواء ...كتقول ويلي ناري لا شكون هذه ...كتحيد ليها شعر حريري على وجها ..كتبتسم...كتلقاها حبيبة لعمر ...لي دوزت معاها ليلة لبارح ...من أحلى ليالي ..ويلي أبا لحب بقى غير صوبة ....
كتجر عليها ليزار ...كتلقاها لابسة من غير هدوم...كتفرح فعلا لوف سطوري ديالك ما كانش على والو ...أنثى مؤنثة جسدا و فكرا ...كتفيقها ما كتبغيش ...بسيف تمارة ديال لبارح خاصك دير ليها لكارط CNSS...كتهز مخدة كتقلب لا تكون فيها شي تيمومة لا شي لعيبة حيث هدوك فعيلنا حنا مغاربة ...كضربها بيها كتهز هي مخدة ...ما كاين شير عليا نشير علك....لحب في نسخته طفولية...
كتهزها من فوق ناموسية بين يدك ...مباشرة كدوش انت وياها بلا ما نعود ليكم على دوش مهم أي لعبة تخيلتوها راه هي هديك...
كتخرجو نعام سيدي هي بنوار في غوز...انت بنوار في بيض ريحة إفسن لوغون عاطية منكم كتخدم كاضم بجهد علمني حبك سيدتي...كدخل كوزينة ...اش مشهي حبيبي في فطور ..لا انت اش مشهي في فطور ...عرفت انت صايبي ليا فطوري انا نصيب لك فطورك ..فطور كيطلع غير بالقبل و لكاريس ...دوك جمل لي عندك غير انت لي عندك سر ديالهم فحال طلاسم سحر...كتقولها ليها في وذنها كتحل ليها كروات ديالها كتمشي عند الله....
ويلي أبا ...اش من عواصر اش من حلويات ...اش من أتاي بالعشوب و بيض بلدي ...ها عصري بلدي...كتحطو داكشي في طابلة ...كتبدا توكلها توكللك حتى يطيب لحب...كتفكرها كيفاش عرفتها....عقلتي حبيبة من عرفتك في فايسبوك كيفاش زربت عليا ...هي كتقول لك عقلت على سبت مقدس لي لقاني بيك شفتو عند صحبتي زعمت و أجوتيتك من تماك دوينا شوية كنت دافع كبير من بعد مشينا واتساب تما فين بدا لوف سطوري...ومن بعد ندمت هههههه...
كتحط كرواصة من فمك...كتقول ليها بكل رومانسية بصح ندمتي !!...كتمد يدها كتهز يدك...كتبوسها كتقول لك لو يندم لعالم كلو ...انا ما نمدش عليك ..يا أغلى و أحلى رجل بالكون كنموت فيك......بلا شعور كيبدا داكشي لي فوق طابلة كيتلاح هانية طباسل كيسان راه مشتين في درب عمر أهرس أدكدك راه الحب يخلص...ما أحلى لحب فوق طابلة ...
ديك زيط زيط زيط زيط كتسمع فحال سنفونية خصوصا من كتخلط مع الاهات وتنهيدات...كتسالو كديكم واحد غميضة ما كيعرفها الا العشاق ديال بصح..... من كتفيق اول ما كتقول لك كتقول عمري روحي حبيبي زيت معاك رجلين رويد طابلة راه شوهنا في عمارة هههههههههه كتهزوا بضحك انت و ياها...كدوش كتخرجوا تغداو في شي مطعم لبناني...و دبكة خيط من سماء ولبنان راح يرجع...
ما كاينش هذا شي نوض خويا ...عيط على صاحبك لي عندو دوزان...يعونك في طبسيل برابول زيروه على نايلست...راه جاي لبرد يمشي لك سينيال تبقى محنسر ...من تسلو خرجوا ضربو شي بوكاديو طون أو اومليط فرماج....وشكرا ...
0 التعليقات: