السبت المقدس الحلقة 18
الحلقة 18 ..
ساعة تشير 10 صباح على غير العادة في سبوتة لي دازو هذا سبت كتفيق معطل ....كتحل عينك..كل شيء في الغرفة هو هداك يغري بسبت مقدس ..بتداعي الافكار و الاحاسيس كدور وجهك لضفة ثانية من ناموسية...باش أول ما تشوف تشوف لوف سطوري ديالك...علامة الفارقة في حياتك لنقلتك من العبثية و اللاشيء الى حياة بمعاني سامية...كتلوح يدك و كتحرك عينيك لجهة الاخرى ...كاين فقط لفراغ و العدم القاتل ....
مرحلة فراغ مقودة كدوز منها علاقتكم.....صداع خصام و اصطدام على طول الاسبوع لأتفه الاسباب حتى حد ما بقى عجبوا الاخر...كل واحد كيتصيد هفوات و الزلات ديال طرف الاخر ...اعداء في زي كوبل ...ماشي ديما لافي أون غوز ..ماشي سبت ديما يكون مقدس ..حياة هي هذه ...انفعلت انت و أنفعلت هي غوتي عليها غوتت عليك...ردختي لباب وخرجتي كيف ما كايدير اي رجل مغربي قبل ما تخرج قلت عبارة شهيرة ديال " ينعل ديل مها حياة معاك تفو " ...مشيتي للقهوة كتنسي بصحابك...ديك علاقة رجل بصحابو شحال من عائلة دمرتها...
دازت 3 ايام قطيعة على غير العادة أغراب تحث سقف واحد...خداتكم الانانية لأقود سطاج ديال انا أو لا أحد ...هي ما تحملاتش خلاتك خرجتي هزت لافاليز ديالها طجت ...خلاتك ليك ورقة مكتوب عليها : غادي نكون بخير بلا ما تقلب عليا حيث ما تلقانيش ....أحبك ...
الدمار و الانهيار هو هذا ..و شيطان غادي يدير سوارية نايضة و يعرض على عشران احتفالا بتدمير علاقتكم....أنت كتموت عليها ما عارفش اش واقع لحياتكم ، عارفها ما تمشيش لدارهم حيث أنتما متافقين مشاكلكم بيناتكم...في نفس الوقت انت عندك ثقة فيها ....داز اسبوع كحل زحل ...عذاب تأنيب ضمير ...ما مشتيش لخدمة كتعيط تليفون طافي كتحاول تعرف غير فين كاينة...
هذه مرحلة كدوز منها اي علاقة بين جوج ..كيجي وقت كتخنقوا ضروري من راحة و الابتعاد ولو لأسبوع ...خطأ ديالكم بجوج نسيتوا علاقتكم و غرقتوا في نمطية ديال العيشة ديال مغاربة لكلها ضجر و نكير و نكد و كوبي كولي ..ملل أحتل مساحة كبيرة ...قتل فيكم بزاف حويج زوينة ...علاقة عاطفية راه مسؤولية مشتركة فحال شي شجرة الى ما سقتوهاش بالحب و الاحاسيس سبوتة مقدسة و تجديد و أرنبات و حلويات و داكشي ..راه شجرة دبل و تموت.
اسبوع كتشفت انك ما تقدرش تعيش بلا بها كتبغيها لواحد درجة ديال تمشي تبقى تشرب حتى تسكر طلع فوق كونطوار تبدا تغواااااااااات فيييييينك كنبغيييييييك و العالللللللم و الوطنننن و المللللك و جيبها ليا ...و لا ندير ثورة ..كتبدا تشطح على أغنية عندي قليب واحد ....
كيوصلك sms من عند رقم ما عندكش في ربرطوار ...سلام عليكم أنا صديقة طفولة ديال ...ها هي عندي معايا كون هاني...كتخرج تهز طوموبيل كتورك على 180 كلم ..كدير باري دكار فحال لا كازا جديدة..كتلقى راسك قدام دار صحبتها...كدوز تشري الورد شكلاط حلوة لوز عارفها كتموت على كعب غزال...كتوقف كتصوني ..ناري على لقطة شكون يحل هي أو صحبتها...!!!
صحبتها كتحل ...كتقول ليه أوووووووووش ..كدخل كتسلت فحال شفار ..كتنعث ليك لبيت فين كاينة...كدخل عليها كتلقاها شادة كتاب كتقرى..جميلة جدا جدا ...شافتك فحال لا وقف عليها ملاك الحب ..تصدمت دموع كيطيحوا فحال شلالات نياكرا ..خنونتها هابطة فحال عسل مقطر ..ياالله بغات تبدا طلق داك ريبليك شهير ديال دريات الى ما بقتيش باغيني قولها ليا ...كتسد ليها فمها بصبعك ...كتبوسها ديك بوسة لكتخلط فيها الاسلام مع الالحاد ...كتمسح ليها دموعها كتبوسها بوسات خفيفة في عينيها ....ما كاينش شي حاجة كتشرشمك و تقتلك قد تشوفها كتبكي ....ويلي أبا على الحب ..ما فيك ما تشري ليها بومدة صفراء ديال عينين...
كتعتذر ليها كتبوسها في يدها...شوية كتسمعوا لباب تسد صحبتها في منتهى لباقة و ذكاء خرجت خلاتكم...شحال زوينة ديك ممارسة من بعد خصام كتكون حلوة ...لي عندو شي حساب من الاخر كيصفيه في فراش ويلي أبا إنتقام الطبيعة ..ضس أضمن كلنا في اخرنا لتراب ههههه... ما فيكم ما تبداو تغرموا لسيدة ناموسية غير صالحة لداكشي ...احساس مقود بركان هائج حب يتفجر في كل حركة كل اهات...شفت دموع طيح عرفت لحب صحيح ...
رجعتوا لدار ...ريحتوا تناقشتوا بكل هدوء ..بحثوا على فين كاين خلل ..كل واحد قرر يعترف بغلط لي دار و أعتذر الاخر ...بديتو كتلقاو حلول ..كتحداو كتحاربو ملل ..كل وحد كيدير كثر من جهدوا باش يفرح الاخر لي ثقلت عليه خفت علك..تنقصوا من شكوة كثرت ملاحظات علاش كيفاش فين مع من....تتنطلقوا في الجنون ديالكم عشقكم حبكم ..و تطبيقكم للكماستورا كل اسبوع من 69 ...حتى 99....
بلا ما تسولوني على 69 و 99 ...لا حرام في الحلال ...و متعة في الفراش مصدر سعادة لا توصف الى شتي كوبل فرحان في حياتهم عرفهم في فراش راهم TOP ...ممارسة لحب راه فعل مشترك لا فضل لواحد على الاخر ...حنا راه باقي شي عقليات كتجي درية تلاح حداك فحال سداري ديال حلفة كتسناك انت كرجل دير كلشي تكل حلوة توكلها حتى هي حلوة عيش معانا طلق عنان غريزتك رغبتك و فونطازم و اروغازم ديال ... شي وحدات كتحشم تقول ليها أختي انا راه حبيبك راجلك ميشي جيني كلوغ جاية تقلبي عندي الوالدة...حتى راجل خاصو يعيش لحظة يحسس المرأة بأنوثها و جمالها غريزتها...ماشي يجي يدير داكشي ديال جدي ..1+1 =1..يعطي وجهو جهة اخرى يقول ليها طفي ضو ضرني شعة ...ما يسولهاش حتى واش جبتي بلزير ديالك مون أمور...راه 95 في مئة من دريات ما كيوصلوش للبلزير و رعشة يا أخي لي داير فيها عود فحل عربي اصيل ...
ما كاينش هذا شي ...نوض خونا خرج تقدا راسك شي لعيبات تهلا في راسك....خود الواليدة و الواليد شي لعيبة ....الا بغتي تصرعها تكرم عليهم بشي عراضة ....ديرها واعرة لا كانت عراضة مع صاحبك حتى هو يخرج والديه ...تكون جلسة عائلية ديال محلى نزاهة مع ناس لقدام....
0 التعليقات: