السبت المقدس الحلقة 21
الحلقة 21
كانت ساعة تشير لديك 9 صباح من صبيحة سبت جديد في حياة كوبل جديد ..بأمل جديد و احلام جديدة ...ما دزش بزاف على ارتباطكم احاسيس مشاعر بقى في ميكة ، كتحسي بشي حاجة طالعة مع ضهرك ...من طبيعة لحال لبنت اول ما تفكر فيه صراقزيت تخسر ديكور...لكن ماشي سرق زيت لي يطلع مع ظهرك يوقف عند عنقك ..اللهم لا كان شي صراقزيت مزعوط.. فيك من ايام داركم جابتيه معاك في دهاز....ههههه
كتحسي بنفس و برد خفيف كيسرح مع عنقك...مرافق ببوسة ما يمكنش نوصفها لك ، حيث حار في وصفها نزار و أدونيس ، دمار اسلحة كيماوية محضورة دوليا ، حبيب لعمر صابح فايق مشى جرى مع 6 حيد لعيى وجمع لك سوفل و رجع دوش و وجد لفطور ما بغاش يفيقك تمشي تجري عارفك نعاسة كانت خدمة بزاف عندك هذا سيمانة .....
احساس لا يقاوم ...كيفاش تقاوم انسان ضحى بكل شيء على ودك ، تكرفس و تعذب حيث ختارك انت طاح معاك في لاميرد و لقوادة ...عالم كلو و الامم المتحدة منظمة تعاون الخليجي و مؤسسة محمد السادس كلهم قالو و اجمعوا فلان عمرو ما يكون لفلانة مستحيل ...الى كان فلان يكون فلانة عرفوا راه مسيح دجال دار قهوة في كافي فرونس ...
دوزت لحرب قتال كل مرة كتفرقوا حتى كتقولوا صافي the end ...كل كيشد طريق شهر شهرين 5 شهر ؛ في لحظة بلى خبار القيد المقدم..كتمشي توقف ليها تحث خدمة هاز مشموم و باكية ديال شكلاط 4 دريال لي عزيز عليها كتفضلو على فريرو روشي ..كتسناه تخرج ..غير كتشوفك كتنهار كدمر ..اش تقول لك من غير أنها كتموت علك كتبغيك لدرجة انها كتعنقك كتبكي ...ناس كتشوف شعب حضية شي كيقول مسكين وقيلة كان مشدود في اضراب...شي كيقول فاتح على مسرانة زيدة ...حيث صعيب على مغاربة يستوعب اشنو الحب قلة قليلة ممكن تفهمكم...كان كارديان وحيد لي فاهمكم هههه..كتعطيه 2 دراهم كيقول ليكم خويا الله يسهل عليكم ...كتعجبوني داكشي ديال هنود و شاعر و درموندرا ...
حتى هي نفس شيء ..مرضتي معاك ..مقودة علك معاك ..كاعي معاك ...ساحي معاك ..سكران كتمشي تخرجك من البيران تحيد لك سوارت طوموبيل ما تقدش تمنعك على طاسة لكن كتبقى هاز الهم لك لا تخرج سكران تهز طوموبيل دير رويد لفوق تمشي عند الله ...ديما محاربة معاك ...كتبغيك أ ساط كتعبدك في دين الحب ..لدرجة كعات علك قررت تزوج عطات كلمة ...جابتهم حتى نهار موعود بان ليها خونا داخل بحطة ديال 4600 دريال من قيسارية راش ريحة دايال جداه ريفدور ..جاي هاز بلاطو ديال حلوة لعبار 30 درهم كيلو... حلوة ما تحطهاش حتى العزاية ...خلات ضياف مشات هزات طابليط ..حلت فين مخبية صوركم ..ضربت عليك بدات كتقارن ... منتهى الوسامة و الاناقة وتبوغيسة وجهك مشرق بحب الحياة ولد الخير معاك الحياة لافي اون غوز ..مشكلة دين مك مسطي مزاجي مختلف في كلشي....لكن تستحق إمرأة تغامر على ودك....كترجع كتقول ليهم اسف انا ما نصلاحش فيا ديفو ...زعمة موطور كيسكت في طلعة ...
كتخرج تجري بماكياجها و زقلي و شعر مدلي..حتى كتوقف علك في قهوة معهودة حاط نوار قاصحة جوج وينسطون .. و هاز هم دنيا ...حياة كحلة.. قهوة كحلة سرباي كملها لابس كحل ...لوف سطوري مشا ...مريح كتلوم راسك مكرهتيش تفرشخ راسك حتى تغيب ...معول تكحلها ليلة تسكر تجي بطوموبيل تحيح في دربهم تخدم ديسك : malgré تفرفنا كعتي في la mémoire .
كتوقف عليك يا أخي .... لقطة مقودة بقايا رجل كتولي ...دموع بلا ما كتحس كيخرجوا كتخرج تجري تعنقها سرباي تابعك يصحابك باغي تسلت بي 6 دراهم ديال نوار جوج وينسطون مغاربة عمرهم يخلوك تكمل مشهد فحال ولا عيسى ضروري يفرشوا ديكور ....
جمع كرك راه كتموت علك كتموت عليها ا صاحبي ...ديرو شي حل ..راه حياة قصيرة اجمل ما فيها الحب تعيش مع شي حد كتعبدوا في الحب و العشق....من داك نهار ما بقتوش تفرقتوا ...حتى تجمعتوا تحث سقف واحد ...بالفور أ شيفور ..ولاو ناس كيضرب بيكم مثل في الحب و التضحية ...
كتبوسها في عنقها كتهبط مع الواد حتى ذارعها ...كتشد يدها كتبوس صبع بصبع كتسرح في رزقك... و حثة حثة احضن و بوس ...هي غير كتشوف كتبتسم كتقول في خطرها واش هذا راجل عمرو يكبر يبقى هاكا .....عندك زهر مخلي لك وقت تفكر ..حيث من يوصل لك منطقة تفاح ديال ميدلت اي نهدين ..تما صافي مشيت عند الله انت عارفة هو عارف اش كيوقع من كيبوسك في راس ديال راس ديال قمة الايفرست ديال نهديك ..وخا يوقف سيدنا باغي يعطيكم كريمة ديال كار غادي تقولوا ليه خرج تقود خلينا نعيشوا...نهدين المرأة شي حاجة مقدسة في الحب ..غير هو حضي كرك شي نهار يخرج لحليب منهم حيث علميا ممكن تولي خو ولدك او بنتك وهي تولي مك ....قلب على شيخ قرضاوي يحل ليك مشكل اما حتى زمزمي مسكين الله يرحموا ...
كتغرقوا في الحب لدرجة أن ناموسية كتمشي تجي زلزال 7 ريشتر ...اصوات فحال كتكون في كنيسة ترانيم ديال راس العام ابنا الذي في سماء...بلا ما تحس كتهزها كتكملوا عملكم هو هازك حتى كتلقاي راسك وصل بك لدوش طلق رشاشة ...ويلي ابا على العشق تحث الماء ....هذا شي خاص سوفل وصحة لهذا خاص كوبل يمارس رياضة يكونوا في حياتهم كوووول واحد يزعم الاخر باش يمارس رياضة يتهلى في راسو ....ما كاينش سوفل خليكم في simple و البر حس ليكم لماء صعيب خاص مجهود مضاعف تولي زالقة لك مطيحها على راسها ...ما انت جبتيه ما هي جابتو ...من الفوق هزها تجري مستعجلات تخيط ليها راسها....مشكل ما دخلاش في تأمين و cnss اش تقول ليهم كنا في دوش كنا كنديرو داكشي هزها هي تزلق ليا ....الله يحظك دكتور لا ما دير لينا أكسيدون طغافاي.....هههههه
كتكملوا صبيحة السبت المقدس ..على مائدة الافطار موسقى خدامة ما كاين التخث و العومق و ميطاليكا و الكوين و فيل كولينس و الطون دجور تينا تيرنر ويتني هوستن انيطا فروكلين...كتنغم لك كتنغم ليها ذوقكم راقي فحال مربيها على يدك....كتبداو تخممو ال واش تخرج عشية او تبقاو دار افلام و بلاي ستايشن شوية كتوبة ...تخلقوا برنامج داخلي...ديما جديد كتحداو ملل عيقين فاهمين ان ملل اكبر عدو مدمر لحياة كوبل...باش ما تنطبقش عليكم نظرية حلاوة زواج عام ..7 ايام مشماش سالات...و ينتهي الحب من كتولي طلع لبوطة لدار....
ما كاينش هذا شي نوض خويا و اختي ...عيطوا على كليكا ...شوفو شي حد عند سيارة خرجوا خارج لمدينة ...ضرب طواجن وسط ربيع ..و لبن و صيكوك ....جيبوا معاك شي بوديزة 5 ايترو لبن ...راه والدينا كيموت عليه ....و شكرا ....
0 التعليقات: