السبت المقدس الحلقة 34
#السبت_المقدس
الحلقة 34 وقيلة ...
صوت الغيفاي المزعج كيفيق حتى لموتى ، بزز كتحل عينك كتهز راسك كتمد يدك تسكت تليفون كتنوض من بلاصتك ، كتخرج في هدوء من البيت مباشرة دوش ، كترجع لبيت تفيق حبيبة القلب لوف سطوري يا الله حبيبة نوض دوشي انا نوجد لفطور بليز ما تعطليش ماشي غادين قفطان بلادي ..كتمشي كوزينا توجد فطور ..
أول عيد الاضحى يجمع بيناتكم تحث صقف واحد ، تجربة جديدة شي حاجة أورجنال ، كوبل حداثي واعي عندو نظرة اخرى للامور ، كتشوفو كلشي بنظرتكم الخاصة ، عندكم اسلوب حياة ديالكم بعيدا على ما عادات تقاليد مجتمعية لي كتخنق حياة لكوبل ....قررت دوزو عيدكم في دار ما كاينش داك تخربيق ديال هز حوليك تمشو عند مك خوتك مجموعين او تهز لحولي تمشي عن مها حيث هما كيعيد مجموعين ...هذا زملة مجتمعية قاطعين معها ...عيد عيد ديالنا ما ديال داركم ما ديال دارنا ...
كتريح تفطر ضاربة صروفيط سبرديلة و كاسكيطة شفتها و انت تضحك واش حبيبة جا معاك تشرميل بالكوك خيزو محكوك ..كتجوبك هي و لموس ديال خبز في يدها واش خونا تشرميل بالكراميل و الخيوبية بالبشاميل هههههه ..لوف سطوري عندك بنت لبلاد خبزة براد بنت ناس دار كبيرة أطيب ما خلق الله لكن عندها قدرة انها تكيف مع كاع انماط اجتماعية ..وقت برستيج عياقة تصدمك وقت خيوبية بنت شعب تصدمك ...يا الله حبيبة طلقي راسك ...
كتخرج تمشو لسوق ديال الغنم ، هي في جنبك كيف راجل حاضين مع زرامة شفارة ، تجربة جميلة جدا يختلط فيها الحب ولغبرة ديال سوق و ريحة لبهايم و زحام و دافيع..عايشين الحب لايف مع الشعب ...انت داير فيها كتفهم في الغنمي خبرة قديمة هههه كتقلب كطلع من كاميو لكاميو ..كتجر ليها لحولي تشوفو عجبك !! لا حيد طلق الله يسخر ..انت كدور كتشرح ليها كيفاش كيتقلب لحولي اشنو لفرق بين ولد لعام و ثني و رباعي ...كيفاش تعرف لكبش واش سمين أو لا ...كتقول لك كيفاش تعرف ...كتجوبها خاصك تخورو ههههههههه ...كتقرصك سكت الله يمسخك ...
عذاب في داك سوق لكن بحلاوتو ...بعد اخد و رد سهل الله في واحد سعيد مبارك ..زيد الله يربح ارا جر جر حايد ايييه شحال زوينة ديك لقطة من صافي كتخد كتبدا تخلص كتسمع كلشي الله يربح ارا هوندا خويا ...دراري صغار كيبيعو لقنب خويا... طربوطور ...نهز ليك خويا ..حولي هازينو لك ربعة انت ما بغي تقمع حتى حد حيث انت ولد شعب وخا سهل علك الله لكن كتحس بيهم عارف بنادم مقودة عليه ....كيخرجو لك لحولي كضبر عليهم الله يخلف عليك خويا كتشوف لفرحة في عينيهم ...سمحوا ليا دراري ..كتشري حتى لقنب و شعالة لفاخرمن عند دوك دراري صغار ..ديك لحضة كدور من وراك ..كتلقى لوف سطوري ديالك حابسة دموع بزز ...فعلا هذا هو راجل لي بغات ولد شعب أصيل وكريم كيحس بشعب ...ما كرهتش تعنقك تبوسك وخا فمك عامر غبارية ههههه...للاشارة هذا فقرة انا كنكتبها دموع نزلوا حستها بجهد .....
كتولح حولي في هوندا ...كتركب انت وياها لور هههههه اول مرة تركب هي في هوندا لور مرة مرة كطلعها عليه و انت شدي حولي دابا ينقز لينا هي مسكينة من نيتها شادة معاك ..منتهى سعادة و رضى على حياتكم ، اول عيد بيناتكم رجل اخر ممكن يقول لك تمشي تقود تريح في دار لاش تجي معايا سوق ..لكن انت جبتها بغتها تشاركك و تعرف و تكتشف ..كتوصل لحدى لدار كتزلو ..كبداو نبارة تا لين هذا لخير شحال خدتي ...متافق انت وياها على جواب واحد ...هدية لله في سبيل الله ...
كطلعوه لسطح كتربطو تماك ، كتهبط تجيب تبن من عند دراري في درب ...مبروك خويا مليح تبارك الله ...لخاصك لبصلة و لفاخر ها هو كاين خويا ...كطلع ليهم شوارما لخروف ..كتهبط دوش كتلقاها موجدة لك معالجة ، كتريحوا تكلو ...ما فيك ما تخرج عييتي كتلعبو شوية بلاي-ستايشن طبعا ديما كتسلخها هههههه كتلوح هي مانيطة كتقول جملتها شهيرة مانيطة خاسرة حكرتي عليا هههههههه كتنوض تصيب عصير ..ديك عشية كدوزها افلام في انتظار يطيح ظلام ...و ديرو شي ماساج تايلوندي او ديال هواي ...ماتريال شرينو زيت بروائح منعشة شرينو شمع شارينو ...تعلمتو ديرو ماساج تقنيات غير من اليوتيب ...
من ماساج المسلمين كدوز ماساج لكفار ، ويلي ابا على ممارسة الحب و أنتما غارقين في زيت طبيعي ديال الورد و الاعشاب .. رياضة التزلج الجنسي حضي لا تبغي تهزها تصدق زالقة لك هههههه أي بوزيسيون فيها لهزان غير تجنبها مع الزيت تولي جايب ربحة ....
كتبقى يومين للعيد كتهز طوموبيلتك ، كتخلها في دار توجد لحلوة و تزوق دار ..كتمشي لدار الايتام ديجا انت وياها دافعين طلب باش تجيبو جوج ولد و بنت صغار يعيد معاكم ، كيوافق ليكم كتمشي تجيبهم كدوزو لعيد معاهم يا سلام .....كترجع لدار كتفرحوا بيهم ...انت كدي معاك وليد لحمام هي كدي لبنية ...كيدوز لعيد اروع من روعة شي حاجة انسانية بجهد .....عمركم تنساو اول عيد بيناتكم كيف كان كيفاش خلقتو من استثناء رائع جدا ...
ما كانش هذا شي نوض شوف اش خاص دار مضي جناوة تقدى مع الواليدة ...دريات خملو وجدو عونو مواتكم ...حتى يحن الله نعيشوا هذا لحياة رائعة للفوق ...انا دابا مريح عاصر على ماتش مقود مان سيتي ضد مان يونايتد حرب فلاسفة غوارديولا و مرنيهو...نار يا حبيبي نار شنوا هذا ....
0 التعليقات: