السبت المقدس الحلقة 9
حلقة_وقيلة_09
كانت ساعة تشير شي 9 صباح...من صبيحة اول سبت مقدس ؛ كتفيقوا بجوج في دقة ؛ فحال لا الحب دق عليكم ...كتشوف فيها كتشوف ...دون تعليق و لا كلام ..كتعنقك كتبوسك انت كذلك كتبوسها في جبهتها ...كدور وجهك البيت ما كاين لا ورد لا شموع ...كاين صواني مجامع و الفناير ...جوطية روينة في البيت ...
نعم يا سادة يا كرام ...لبارح كان حفلة عرسكم داكشي على قد لحال مجرد عشاء جمعكم بالعائلة قريتو فيه الفاتحة...لبست هي واحد تكشيطة ديال لحرير جايبها ليها ماماها من لندن...أنت لبست وحدة حطة تقليدية ملكية شاريها بزز ...و نشطوا وضحكتوا ...الله يعون الله يعون....ميشي اغبياء باش نديرو عرس بفلوس صحيحة نجمع شعب ياكل و يشطح ..من يسالي لعرس يشدونا بنا الهدرة في المجامع ...عروسة نفها عوج وقيلة طايحة في صغر.. أولي شتي عريس شعر حرش وقيلة كان سكران...
اصلا لوف سطوري لي بناتكم عمرو سنين ...كاين وعي نيفو طالع...متخلصين من عقد مجتمع...دوك فلوس زيدا فيكم ..حتى الا ما لقينا ما يدار بيها نخبوها لولدنا و لا بنتنا ..ديك ليلة ما كانت لا دخلة لا خرجة اصلا كنت موت عيى ...
كتفيقوا تفطروا مع دار ..كتجمعوا حويجكم في باليزات مطار ينادي المرجوا ربط حزام الامان طائرة متوجهة الى جزيرة جاوا ستقلع بعد قليل ...ويلي أبا اخيرا انت وياها ....حجز في اوطيل تماك شي حاجة من الجنة بحر شجر نخل مايل جهة لماء شمس غارقة في حضن لبحر و جبال كلهم خضرين ضيرين بيكم ...داكشي لي كنت كتشوف في ناسيونال جيوغرافي...ثمن رحلة معقول فواياج اروغانزي 12 يوم ...فيه مفاجأة لعرسان ...
كتوصلوا ..بعد رحلة مراطونية...كترتاحو داكشي على بحر ...كيتخلط عليك جمال طبيعة مع جمال لحبيبة داك ضياع الاكبر يا ولدي ...في ليل مفاجأة ولا في احلام ..اوطيل جهز ليكم بونغالو وسط لماء بشمع و الورود ...كلشي في العشاء واقف كيصفق ليكم و كيغنو مبروك عليك ديال اندونسيا ...ختام سهرة شطحة slow على انغام lady ديال بصوت رائع ليونيل رتشي ...
كتهزها بين يديك ...كتمشي بيها واحد طوالة ممر من اوطيل لبحر ...ممر كل شمع و ورود.. ولقبل بيناتكم ديال اختلط ريق بريق و لسان بلسان . ...دونتيست ما يديرش ديك لحالة ...ممر طوال وبعد ولا بعد من تادلة .... وليت باغي غير توصل ديك تويشية وسط لماء ...كتوصل يا رباه الداخل كل بالقصب وفراش بالبيض الاحمر و موسيقى Keny G ...حطين ليكم طايغط فيها سميتك سميتها....أويلي أويلي قالك لبسة فاسية هزة في عمارية و الله الى بصح لعريس كيشطح...خسئتم...
كتحطها فوق ناموسية ....معمرك شفتيها حشمانة حتى ليوم ...كتشد يدها كتبوسها في كفها...كتهبط عندها ...كتقول ليها انا كنبغيككككك...ووعدت ووفيت ...هي كتقول لك انا كنموت فيك ..انا صبرت ضحيت ...كدخل في نوبات قبل هيستريا الحب و العشق و الولع ...حويج كيتلاحوا لي بقا وسط بنغالو بقى لي تلاح في الماء تلاح...ويلي ابا اخيرا يكتمل الحب المقدس ...عذاب اهات و تنهيد ...صوت لبحر كيتخلط مع أح أح ...كتكيس على حبيبتك ...دخلة راه فيها 3 ايام ...راه إمرأة هذه ميشي قرعة باغي تحل ليها بشونة...
لغدا ليه كتصبحوا على بحر عومان ...ويلي أبا على الحب في الماء ...شي حاجة خيالية ...حضي الا تعضك شي حوتة ديه لك خيبة حتى تعويدة....هههههه...كتمارسوا جنون عشق و الولع ...شي حويج ما كانش ممكن دروهم في مغرب ...كدروهم تماك...مكرهتوش تبقاو في اوطيل ...لكن كتخرجوا لغابة و لمدينة ...كتركبوا على فيال....حياة سعيدة....
هذا شي كامل جا بعد كفاح تضحية ...اصعب وقت هي من مشات تقرى 3 سنين على برة صحافة ...انت هنا مكافح مع وقت مقودة علك...انت عارفها هي ما تفرقش معاك...تكون معاك باش ما عطى الله ...ما بغى لعرس لا حتى لعبة بغاك انت وكفى ...حتى انت كتموت عليها درت مستحيل ...باش تعيش معاها ...و يسر الله ...وخا دارهم ما بغوش حيث انت ولد شعب ..هي نيفو اجتناطالع....لكن كان حبكم أقوى ...ربي كبير الى عرف في قلبكم خير ...يوصلكم لخير ...
كدوز مدة كترجعوا ...ناعس كتشوف في عينيها زرقين ...كتقول لك طارق نسولك ...كتقول ليه وي حبيبة ...ليلة دخلة واش داز دم ....حبيبة شكون لي عاقل حنا ديك ليلة وصلنا لدرجة تصوف في ممارسة لحب ....زيدون داز ما دازش ...اش كيهمني انا ....انا كيهمني انسانة الكيان لي هي انت....اما لا كان على جلود دم راه موجودين في بطوار.....كضحك حتى كتبان ليها ضرسة لعقل ...كتقول ليك انا بهذا شي علاش بغيتك انا على ود روحك عقلك انسان متميز كنحس بيك a part ...حبيبة مزيان فكرتني في بطوار غدا نتغداو فيه تشهيت شي راس مبخر ....
ما كاينش هذا شي سبت صباح....غير عيط ديك بنت ناس لي كتمثل عليها دور عاشق الولهان ...وهي طالقة علك شعاع ديال الحب ...قول ليها ما غاديش نشوفك ليوم .....سير خرج مع صحابك سهرو في شي كوان نقي فيه غيطاريست كيصرع ديسك ديال اوطيل كالفورنيا ... ...خلقوا لعالام...نساو حواء ....
0 التعليقات: