السبت المقدس الحلقة 32
#السبت_المقدس
الحلقة وقيلة 32 ...
بعض المرات خاصك تكون إنسان بكاريزما مختلفة تغرد خارج السرب خارج السياق المجتمعي و العادات و التقاليد الى بغتي علاقتك ديال لوف سطوري تكسب المناعة ضد الملل و الرتابة القاتلة ديال الحياة ، راه فكرة العيش مع انسان واحد أو إنسانة وحدة تحث سقف واحد عمرك حياتك كاملة راه فكرة فلسفية مقودة لا يقبلها المنطق ...داكشي لي ديروه هو اول نهار تجمعتوا هو لي غادي ديروه عمركم كامل ..مجرد تفكير في هذا لبلان يخليك دير بناقص حيث زواج راه فعلا عملية انتحارية استشهادية ممكن تلقى راسك مع حور عين في بيت زوجية تقدر يدار لك وتلقى راسك في جهنم مع حمالة الحطب ...ما تخلعوش اوك ..
في العلاقة خصوصا في العشرة طويلة خاص الوعي الكبير بي أن الملل هو السرطان ديال لوف سطوري مجرد ما كتخلو ليه لفرصة ، غير عول توصلوا محكمة ووجد فلوس نفقة و تخسروا بعضكم..وحتى الى بقيت تحث سقف واحد كتبقاو غير حيث يا اما لولاد او نظرة مجتمع ..كتعيشوا غرباء تحث سقف واحد حتى ممارسة الحب كتولي واجب كتنعس معاها فقط باش ما تشكش فيك مل تقولش هي كتخونها تفتح علك ابواب جهنم هي كتنعس معاك غير حقك شرعي ...
اما أحاسيس و رغبة غير نساو الشباب..تخيلوا ناعس مع وحدة لي هي لوف سطوري ديالك و زوجتك غير من باب صواب و مجالمة ....ناري أميمتي انا بعدة نشرب دواء لفار ....هذا للاسف واقع الكثير من البيوت المغربية ...سيرو المحاكم تلقاو كثر من 90 في مئة سبب حقيقي لي خلاهم يوصلو تماك هو انقراض احاسيس في الفراش ما بقاتش متعة داك بركان لي كان كينفجر بمجرد بوسة صافي طفى و خمد ...من كتغيب متعة في فراش كون اكيد الاسوء قادم ...كيزيد الاسوء يقواد من كيغيب الوعي و الحوار و النقاش ...
كانت ساعة تشير الى 4 صباح ضرباتك فايقة حلتي عينيك لقيت راسك كتفكر فيها ...هي ناعسة كتشخر كيف عادة منعس معاك DJ elon montana ههههه...كتقاد ليها راسها على مخدة كتبقى تشوف فيها بتأمل و حصرة كطرح اسئلة بزاف علاش هذا تغيير سلبي و لبرودة و اختفاء مشاعر اش وقع علاقتكم ...فين هو داك لومبيونس جنوني كتخرج تجري من خدمة جاي فرحان لدار ..اول ما كتحل لباب كتلاح عليك تعنقك تبوسك بوسة ..لو باستها اسرائيلية لفلسطيني كون تفك لمشكل ديال الشرق الاوسط ...
فين هي لحظات الحب المقدس ...مني كنت كتكتب ليها ورقة في ليل تعلقها في باب ثلاجة ليلة جمعة ..برنامج يوم الغد : واحد قبل لفطور ...جوج من ورا لغداء ...ثلاثة من ورا لعشاء ...كتوقع لتحث ناكحك الولهان ...هههههه كتفيق هي توجد لفطور كتلقها لاصقة كموت بضحك......ديما السبت الصباح كتسناو اش يكتب طارق في السبت المقدس ...هههه
فين هي المغامرات المجنونة من طلعتو سنسور عمارة بقيتو ...دايرن لانافيط من اول طاج اخر طاج ..عشت شي حاجة اورجنال عمركم تنسوها ....فين هي لوف سطوري نهار دارت لك سربريز شرات لبسة رقاصة خلقت لك فيها صفيناز الارمينة وخا بزازلها ما معونينش كملت بتقاشر ليلة ما تنساش ...فين هو داك الحبيب لي نهار عيد ميلادها لي هي اصلا ناسيها صونا عليها طل مش شرجم اول ما طلت لقات دقيقية لتحث غناو ليها سنة حلوة و انت هاز كارطونة مكتوبة فيها كنبغيك ....ناس كتفرج ما فاهمين والو ....فين هي ديك كاريزما المقودة ديال حبكم.....لي كيتضرب بيه مثل..
كتنوض من فراشك ، كتمشي كوزينا كتجبد عصير ..شكلاط ...كدوز لصالون تهز وريدة ...شميعات ...كترجع لبيت تحط داكشي ...عارفها ما تفيقش لك ..جبت طروفة ديال ثلج ويلي ابا على ماك فلوري ...كدوز داك ثلج بفمك على ظهرها ...والو الاخت كاو كون كان نعاس راجل كون خانتك معاه ...كتقرر دوز سطاج ثاني كتهبط لسيقان اول ما كتحط فمك على ساقها دين مو ثلج داب عارف حساسية ديال سيقانها وحدة من نقط ضعفها ....هو بيني بينكم من الاحسن لواحد يبدا من ساس هو طالع باش يكون لبني ديال ممارسة الحب صحيح ماشي فحال عمارة بركون و سباتة ....
كتفيق كتشوف فيك إبتسامة طفولية شعرها مخبل ...هي مرونة لكن جميلة الى بغتي تعرف واش واخد زين فيقوا في 4 صباح ..يا إما صدمة تلقى با حمان عساس درب حداك يا إما تأكد انك فعلا ديتي زين ...اش بغتي مفيقني هذا وقت ياك عاد لبارح قلت ليا ما بقيتش كتحس بأنوثي ....فعلا قودتها ما كانش خاصك تقول هاكا أ ساط ...الملل سرطان خبيث ممكن يدمر اي علاقة واحد يرد لبال مع لسانو المرأة كتعقل ماشي فحال راجل ....كتعنقها بجهد كتبوسها في جبهتها يدها ....ويلي ابا على بوسة العين منتهى الحنان و الرقة ... كتشربوا عصير بارد كتوكلها شكلاط من فمك كتنعسها عندك فوق سدرك عزيز عليها تكة عليك تبقى تلعب ليها في شعرها ....بديتو كتناقشو علاقتكم بهدوء فين كاين خلل علاش تسرب ملل ....هذا هي حلاوة الحب حتى مشاكل كتحل فوق لفراش بوعي ...
نقاش خداكم بعيد ومواقف و وجهات نظر متقاربة لي كان ناقص هو حوار نقاش برافو انت خديتي مبادرة بطريقة ذكية ...تصفات الخواطر دابا أراك : واحد جوج ثلاثة أكسيون ههههه ؛ كتهز ديك وردة كدوزها على كل جزء ديال جزء في جسدها ..من كتوصل لنهدين ركز معايا أ شاف ...راه نهدين شي حاجة مقودة حساسين بجهد سر من اسرار نجاح ممارسة مقدسة ...ما تكونش رطيطب ما تكونش عنيف ...عيشها رومانسية و لعنف رومانسي في نفس وقت زعمة راكم ولاد ليوم 2016 هذه ما نشرحش ليكم انا هههههههههه ....عيش تمتع بجسدها لأقصى حد ممكن خليها تحرر هي تخرج ديك انوثها رغبتها فونطازم ديالها الاكثر جنونا ...الى كنت في سكن اقتصادي من الاحسن فرشو في الارض حيث مع سرير زيط ريط ريط زيط و الحب ما يشاور سكان عمارة يقدموا بيكم شكوى عند سانديك هههههههههه...
فيقوا صباح تلقاو راسكم فحال عرسان جداد نفس جديدة علاقتكم غادي تحيى تنتعش ...عرض عليها شي ريسطو اجنبية جربو شي مطبخ جديد ...حيث حنا مغاربة نهار كتبغي تخرج تكل كتفكر غير في شواية كفتة كبدة كوطليط علاش معرت لدرجة ان معدة كتقول ها هو غادي بينا ولد ●●●●● لبطوار عاوتني ههههههه...تغداو او تعشاو في شي بلاصة كالم سيرو حاطين لحطة باش من تسالو ديرو شي سوليما او تمشاو على بحر ...او تكملو سهرة في شي مكان زاز ....عيشوا و انشروا الحب في كل مكان ....
الى ما كاينش هذا شي ، راه سمعت في نشرة راه موجة حر مقودة تبدا ليوم .....عيط صاحبك تبحرو او بسين شوفو جمال و خلو لجمال يشوفكم غير هو لا كنت لابس كالسون MEN غير ريح بلا ما تنوض من بلاصتك..استمتعوا مع راسكم من تسالو دوزوا ضربوا شواية هههههه حيث هي لي تقدر تسد داك جوع لبحر .....وشكرا ....
0 التعليقات: