السبت المقدس الحلقة 14
الحلقة 14
السبت الصباح لي متفيقش فيه .... على صوت حبيبتك جاي من دوش إيييييهاب إيييييهاب ..جيب ليا فوطة نستها ، كتنوض من فراش كما ولدتك أمك انت مبتسم و كتقول في خاطرك هذا البنت عندي غادي تبقى ديما مراهقة مجنونة...هذا شي لي كيسالي معايا فيها و خا مرور سنين عمرني حسيت معاها بالملل ...
السبت الصباح لي متفيقش فيه .... على صوت حبيبتك جاي من دوش إيييييهاب إيييييهاب ..جيب ليا فوطة نستها ، كتنوض من فراش كما ولدتك أمك انت مبتسم و كتقول في خاطرك هذا البنت عندي غادي تبقى ديما مراهقة مجنونة...هذا شي لي كيسالي معايا فيها و خا مرور سنين عمرني حسيت معاها بالملل ...
كتهز بينوار غوز على وعدك و سعدك...كتوصل ليها لدوش ..أكيد بوسة صباح فحال العسل الحر كتحل شرايين و تنشط دورة دموية...هي كانت بغى تفتنك في دينك على صباح ...أنت بخفة دمك جوبتها ريح خلينا بعقلنا و لا و الله حتى نقول مك ..بنتك بغات تمارس عليا الجنس أنا ولد درنا عمرني درت كلام ما يصلح...
كتلوي عليك فوطة كتسبقها لكوزينة توجد لفطور كتخدم ملحم بركات حبيبي أنت و روحي إنت ما فيش قبلك و لا بعدك إنت....كتفنن ليا في داك الفطور ..مورال 5/5 حول...ليوم برنامج مختلف على سبوتة لي فاتوا...تفقتوا تغيرو لجو...شي حاجة تكون في شكل...قررتوا تمشو دوز نهار في دار الايتام درتو كوتيزاسيون بجوج...مشيتو دار الايتام وسط أسبوع شفتو شي وليد لنت عندو عيد ميلاد هذا سبت ...شريتو حلوة كادوات داكشي لي قسم الله تعالى ...
انت خدام كتوجد لفطور ...كتحس بشي حاجة باردة تحطت على كتفك ...واش قطعة ثلج..واش قطعة حب ..ديك برودة وصلت عنقك...ولي أبا إلا عنقي كدور عندها أطول بوسة و أقود بوسة هي لكتخلط فيها ريق بريق...عيق راس لبريق راه البيض غادي يتحرق ...و لحليب يفيض ...لا فاض لحليب مشششششششششكل ....
كتريحوا تفطروا انت وهي كلكم فرحة وحماس و نشاط حيوية ...باغين تسعد تفرحوا ديك وليدات في سبيل الله تحسوا بإنسانيتكم كتجدد ، ديرو شي حاجة عندها معنى أشنو هي 1000 درهم ..تفرحوا بها وليدات أيتام...لا مشيتو تغدتو غير الحوت هذا سبت راه تخليو 600 درهم ...إقتراح رائع ...كتغطروا كتقسموا الادوار ...شكون يمشي يجيب الحلوة ...شكون يزين ديكور قاعة...شكون ينسق مع dj dj...
فعلا كتمشو ..كيدوز نهار أكثر من رائع إحساس ما يتوصفش أنك ترسم إبتسامة على وجه أيتام....شطحتوا غنيتوا ...في لحظة وداع ثقبكم واحد وليد بسؤال إمتى ترجعوا عندنا عاوتاني...ينعل ديل بو لعالم ديل بو دنيا فلوس ...
7 كتلقاكم في دار واووووووو على تجربة...لحياة سعيدة..كتقول ليها حبيبة ان شاء الله كلما سمحت ظروف نديرو هاكا..هي كتجوبك وي حياتي فخور بك على داكشي لي درت ليوم و أومبيونس لي خلقت...انت كتحل ليك ديك ساعة كتقول ليها ويلي حبيبك راه مدوز مخيمات صيفية راه كانت كتكون عندي 300 طفل صغير ..كلشي منظمهم في نشاط....كلشي كان كيقول فلان مدرب مؤطر واعر ..كتبدى طلقها بجهد...هي عايقة بك..لكن حلاوتها تخليك....الى كذب عليا حبيبي ما يخلي شكون يكذب عليا ....
كتوجد لك لعشاء ..انت كتوجد طابلة بشميعات كطلق روائح ديال الفانيلا لي كتعجبها كتوجد عواصير خصوصا لافوكا ليلة زاهية جيبو كرواتيا ...كطلق موسيقى ما كاين سلين ديون و وتني هوستن و كيني روجر و ليونيل ريتشي ...مهم معول تعوض اش فاتك في صباح سبت مقدس....كيتحط لعشاء ...كتمشي تبدل ناري و هيا الملك لبست لك شوميز ديالك فقط منها للحم...حيث كبيرة كتجيها فحال بيجامة...جات معاها منتهى sexy ...راه قلت لكم مجنونة...
شكون عقل على شي سباكتي و لا شي غراطان ..و لا شي كفتة ...و لا شي عصير ...واش بنادم يخلي هذا مخلوقة عجيب يبرك يخشي في وجهو معجنات ...أويلي أويلي...كتهزها دخلها لبلوك ديال عمليات كدير فيها طبيب متخصص في تبناج ...فورمة حبيبتك بوحدها خاصها طبيب المنتخب أسي هفتي زائد معد بدني ديال برشلونة عاد لا فهمتيها...غير نظرة فيها و شعرها مطلوق ناعسة وهي فوق ناموسية عريانة دوك خويات عندها في جنب كيسموهم بواني دامزغ 0 كليسرول...تخليك تهز جنوية تخرج تجري تقتل أول بوليسي تلقى معاه في زنقة ....كتغرق أنت وياها في تفاصيل الحب و الشهوة مرة رومانسية مرة التوحش...و أنت و جهدك ...في وحد لحظة كتوصلوا متعة مقدسة سطاج الاخير يا أبتي كتغيبوا كيبانو ليكم ملائكة صغيورين بيضين بجنحين كيلوحوا عليكم الورد حمر و القلوبة صغار....كتفيق كتلقها 5 ليل كتغطيها تجرها عندك تنعسها في حضنك....ويلي أبا لا خشات فخدها بين فخادك.....نعسة كتحلى....
ما كاينش هذا شي أخي و أختي في الله ....نوض دير زيارة رحم للعائلة و الاصدقاء...راه فيها أجر كبير عند الله تعالى ....لا بغتي تسرعها سير على رجلك فطحة باش يثبت الاجر ...و يدبرك سباط ترجع مهلوك لداركم تنعس مع 9 حقك من شعرية بالحليب ديال العشا سخنو فطر بيه صباح كتجي بنينة.....وشكرا .
0 التعليقات: